Үшқоңыр әні
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Қазақтың 100 әні
- Атауы:Үшқоңыр
- Орындаушы:МузАРТ
- Сөзі:Н.Назарбаев
- Әні:А.Қоразбаев
Ән туралы[өңдеу | қайнарын өңдеу]
Тұңғыш президент Нұрсұлтан Назарбаевтың туған жері һәм кіндік қаны тамған құтты мекені – Алматы қаласының іргесіндегі Қаскелең, соған қарасты Үшқоңыр ауылы (бұрынғы Шамалған), оның ар жағындағы Үшқоңырдың тауы мен жайлауы. Қазақстанның болашақ Президентінің балалық шағы осы жерлерде өткен. Болашақ басшының бойындағы басқалардан оза шабатын белгілері балалық шағында-ақ бой көрсетіп, бүр жарған беткей де – осы.
Үшқоңыр жері туралы[өңдеу | қайнарын өңдеу]
Үшқоңыр — Алматы облысы Қарасай ауданындағы төбелі қоныс. Қоныс Майтөбе тауының шығысында 15 км, Аршалыкезең асуының (2973 м) солтүстікте баурайында жатыр. Төбенің теңіз деңгейінен биіктігі 1980 м. Батысында Ұзынқарғалы, шығысында Шамалған өзендері ағып өтеді. Енділеу тауаралық қоныста еріген мұз суынан пайда болған, жағалауы ашық шағын көл жатыр. Қоныс маңында Үшқоңыр және Сауыншы ауылдары орналасқан. Үшқоңырда 1986 ж. дельтопланнан КСРО чемпионаты өткізілді. Табиғаты көрікті Үшқоңыр өңірі Қарасай ауданының және Алматы қаласы тұрғындарының демалыс орны саналады. Ол кезде Үшқоңыр жайлау болса, бүгінде бүтіндей бір ауылдың аты. Үшқоңырды жайлаған жергілікті жұрт пен Алатауды атақоныс көрген ағайынның өзі қалап, Қарасай ауданы, Шамалған ауылдық округіне қарасты Шамалған ауылының атауын Үшқоңыр ауылы деп атауды ұсынды. Осы жылы ақпан айының оныншы жұлдызындағы Алматы облыстық мәслихатың қаулысы мен облыс әкімінің шешімімен Шамалған ауылының аты Үшқоңыр ауылы болып өзгертілді.
Әннің сөзі[өңдеу | қайнарын өңдеу]
Үшқоңыр Алатаудың қойнауында, Әкемнің ізі қалған жайлауыңда, Қасқасу гүр-гүр тасып, гүлі еркелеп, Арқардың жайылатын аймағында.
Қ-сы: Ай, Үшқоңырым, туған жерім, Рахым нұры тұнған жерім, Ай, Үшқоңырым, тал бесігім, Жүрегімде мәңгі есімің.
Бұл жерде тарих сырдың сыбдыры бар, Бабалар тұлпарының дүбірі бар, Бұл жерде Жамбыл-"Жәкем" өлең айтқан Өнердің, ақындықтың тұғыры бар. Шыңдарың Төле бидің қалпағындай, Жазира жасыл әлем алқабыңды-ай, Жуасы, қарақаты, бүлдіргені Әжемнің шекер қосқан талқанындай.
Көрінер сонадайдан анық маған, Шыңында қырандары қалықтаған, Самғаған қыранына құмар қылып, Өсірген ұландарын алып далам.