Үшқызыл

Үшқызыл (өзб. Uchqizil/Учқизил) — қала типтес елді мекен, Өзбекстанның Сұрқандария облысы Термез ауданының орталығы. Халқы: 13800 адам (2004).

Үшқызыл — облыс орталығынан солтүстік-батысқа қарай 15 шақырым жерде орналасқан. Қалашық ауданның ауыл шаруашылығына қажетті су өндіру және тұрғындардың қажеттілігін қамтамасыз ету мақсатында құрылған Үшқызыл су қоймасының оңтүстік жағалауында орналасқан. Үшқызылда егін базары мен бірнеше өнеркәсіп орындары, соның ішінде мақта тазалау зауыты бар. Термез бен облыстың басқа да қалаларының тұрғындары демалу үшін су қоймасына келетіндіктен, қала курорттық аймақ болып саналады.

Жалпы білім беретін мектептер, балалар музыка және спорт мектептері, кәсіптік лицейлер бар. Орталық кітапхана мен оның филиалдары, мәдениет үйлері халыққа қызмет көрсетеді. Стадион және басқа да спорт нысандары, сонымен қатар туристік аймақ бар. Орталық аурухана, емхана, жедел жәрдем станциясы, дәріхана да осында орналасқан.