Ұзаққали Биалайұлы Елеубаев

Ұзаққали Биалайұлы Елеубаев

Ұзаққали Биалайұлы Елеубаев

1947 жылы 13 қаңтарда Гурьев облысы Мақат ауданы Доссор ауылында туған. Қазақ. Байұлы тайпасының Есентемір руынан шыққан.

Әкесі - Елеубаев Биалай, марқұм, Ұлы Отан Соғысы қатысқан, Еңбек сіңірген мұнайшы, басшылық қызметтерде жүмыс істеген. Анасы - Есенбаева ІІІәкен, марқұм.

Қазақ мемлекеттік ауылшаруашылығы институтының ауылшаруашылығын механикаландыру факультетін бітірген (1970), инженер-механик.

Ауылшаруашылық ғылымдарының кандидаты (2002). Кандидаттық диссертациясының тақырыбы: «Каспий маңы ойпаты жағдайындағы жем-шөп өндірісі».

«Жем-шөп ендірісі» тақырыбындағы 12 мақала жәнеи жарияланымдардың авторы.

Қазақ және орыс тілдерін біледі.

«Нұр Отан» ХДП мүшесі.

1970 жылдан - Гурьев облысы Махамбет ауданы аудандық ауылшаруашылығы техникасының инженері. 1974-1978 жылдары - Қазақстан ЛКЖО аудандық комитетінің бірінші хатшысы. 1984-1989 жылдары - Гурьев облысы Махамбет ауданы аудандық атқару комитеті төрағасының орынбасары. 1994 жылдан - Атырау облысы Махамбет ауданының әкімі. 2002 жылдан - ҚР Парламенті Мәжілісі 2-ші, 3-ші шақырылымының депутаты.

2007 жылдан бері - ҚР Парламенті Мәжілісі 4-ші шақырылымының депутаты, Аграрлық мәселелер комитетінің мүшесі.

«Құрмет» орденімен (2005); «1941-1945 жылдары Ұлы Отан соғысындағы Жеңіске 50 жыл» (1995), «Тыңға 50 жыл» (2004), «Қазақстан Конституциясына 10 жыл» (2005), «1941-1945 жылдары Ұлы Отан соғысындағы Жеңіске 60 жыл» (2005) , «Қазақстан Парламентіне 10 жыл» (2006) медальдарымен марапатталған.

Әскери атағы - техникалық әскерлердің капитаны.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Гүлденуші және демократиялық».

Хоббиі - аңшылық және жаяу жүру.

Сүйіп оқитын әдебиеті - ауылшаруашылығы ғылымдары туралы еңбектерді, қазақстандық жазушылардың кітаптарын оқу.

Үйленген. Жубайы - Нәдірова Рысты (1950 жылы туған). Қыздары - Гүлфара (1971 жылы туған), Гүлнұр (1975 жылы туған), Гүлжаухар (1982 жылы туған); ұлы - Жанболат (1973 жылы туған). Немерелері -Нұрсұлтан, Равиль, Рамазан, Өмірзақ, Нұралы, Шынар, Нұрлы.