Ұзынқайыр

Уикипедия — ашық энциклопедиясынан алынған мәлімет
Jump to navigation Jump to search

ҰзынқайырАрал теңізінің қазақстандық бөлігіндегі бұрынғы арал. Арал ауданының жерінде екі Ұ. аралы болған. Оның біріншісі — Қасқақұлан аралының батыс шетінен 15 км-ге созылып жататын, ені 1,5 — 2,0 км құмқайыр. Оның қиыр солт. мүйісінде 400-ге тарта тұрғыны бар ауыл болды. Мұнда балық қабылдайтын пункт, балық тұздайтын, ыстайтын, тоңазыту цехы, жүк кемелері тоқтайтын порт, орта мектеп, кітапхана, клуб, монша, байланыс торабы, пошта, сауда орны, наубайхана, фельш.-акушерлік пункт, аэродром жұмыс істейді. Екіншісі — Ұялы аралының шығысында 4,0 км жерде теңіз ішінде орналасқан, ұзындығы 16 км, ені 0,7 — 1,2 км. Солт.-шығысынан оңт.-батысқа қарай созылып жатқан жалаңаш қа-йыр. Мұнда елді мекен болған жоқ. Тек Ұялы, Көзжетпес және Қасқақұлан балық ұжымшарларының балықшылары көктемгі лайсаңда (мамыр айы) осында қос құрып жатып, балық аулаған. Негізгі ауланатын балық — қаяз. Қазіргі кезде Ұзынқайыр аралы теңіз суының тартылуына байланысты жағалаумен тұтасып кеткен.

Дереккөздер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VIII том