Ұлболсын Аждарқызы Сүлейменова

Ұлболсын Аждарқызы Сүлейменова 1960 жылы 1 қыркүйекте Қостанай облысы Орджоникидзе ауданының Калиновка кентінде туған. Қазақ. Әкесі - Сүлейменов Аждар Нұрымұлы, зейнеткер, Қостанай облысының Некрасов атындағы кеңшарында тракторшы болған. Анасы - Сүлейменова Үміт Әлиқызы, зейнеткер, Қостанай облысының Некрасов атындағы кеңшарында түрлі жұмыстарды атқарған. С.М. Киров атындағы Қазақ мемлекеттік университетінің заң факультетін бітірген (1984), заңгер. Заң ғылымдарының кандидаты (2000). Кандидаттық диссертациясының тақырыбы: «Коммерциялық және басқа ұйымдарда өкілеттіктерін пайдаланып, қиянат жасағаны үшін қылмыстық жауапкершілік». «Тұран» университетінің профессоры (2003 жылдан); доценті (2009 жылдан). 20-дан астам жинақтың, оның ішінде соттық білім беру саласы, зиянның орнын толтыру туралы дау-дамайлар саласындағы көмекші құралдардың (2004), «Судьяның үстел кітабының» (2005) жене т.б., 35-тен астам мақаланың, сондай-ақ семинарлар мен конференцияларда жасалған баяндамалардың тең авторы. Қазақ және орыс тілдерін біледі. КОКП мүшесі (1985-1991). 1976 жылдан - Қостанай облысы Орджоникидзе аудандық сотының хатшысы. 1977 жылдан - Алматы қаласының Калинин аудандық сотында сот мәжілісінің хатшысы. 1981 жылдан - Алматы қаласының Алатау аудандық сотында сот мәжілісінің хатшысы. 1982 жылдан - Алматы қаласы Алатау аудандық сотының сот орындаушысы. 1986 жылдан - Алматы қалалық әділет бөлімінің консультан- ты; Алматы қаласы Әуезов аудандық сотының судьясы; Алматы қаласы Алатау аудандық сотының сот орындаушысы. 1987 жылдан - Алматы қаласы Алатау аудандық сотының судьясы. 1995 жылдан - Алматы қаласы Алатау аудандық соты төрағасының орынбасары. 1996 жылдан бері - ҚР Жоғарғы сотының судьясы. Алматы қаласы Алатау аудандық кеңесінің депутаты (Алатау аудандық сотынан ұсынылған, 1988-1993). Судьялар одағының мүшесі (1997 жылдан), Судьялар одағының филиалы Кеңесінің хатшысы, төрайымы. Бүкіләлемдік кешенді қауіпсіздік ғылымдары академиясының жанындағы Халықаралық аралық соттыңҰлы Екатерина орденімен (2009); «Қазақстан Конституциясына 10 жыл» (2005), «Астананың 10 жылдыгы» (2008) мерейтой медальдарымен; ҚР Судьялар одағының «Үш би» құрмет белгісімен (2003); КСРО әділет министрінің және кәсіподақ ОК (1988), ҚР Жоғарғы сот төрағасының (2004), ҚР Судьялар одағының (2000) құрмет грамоталарымен марапатталған; ҚР Мемлекеттік басқару академиясы Әділ сот институтының Алғыс хатымен ескеілген (2008). ҚР құрметті судья (2005). 1-ші біліктілік сыныбына ие.

• Саяси қайраткер ретіндегі идеалы - К. Райс.
• Қазақстанның болашағы туралы болжамы- «Тұрақтылық өркендеп даму, халықтар бірлігі мен татулығының орталығы».
• Хоббиі - поэзия, музыка, кесте тігу, тоқу, заң саласындағы әдебиеттерді жинау және салыстырып талдау.
• Суйіп оқитын әдебиеті - философия, тарих.
• Тұрмыс құрған. Жұбайы - Қабыкенов Балғабай Әбішұлы (1955 жылы туған). Қызы - Қабыкенова Айнаш (1985 жылы туған).