Ұлия Маратқызы Молдағалиева

Уикипедия — ашық энциклопедиясынан алынған мәлімет
Jump to navigation Jump to search

Ұлия Маратқызы Молдағалиева (18.02.1982, Алматы қаласында туған) - суретші. Қазақ. ҚР Көркемөнер академиясының толық академигі.

Өмірбаяны[өңдеу]

Т. Жүргенов атындағы Қазақ ұлттық өнер академиясының сәндік-қолданбалы өнер және дизайн факультетін бітірген (2004), дизайнер-модельер.

  • Этно-авангард стиліндегі «Түрік гладиаторлары» (2004),
  • Қазақ монументті барокконың қазіргі киімнің экстравагантты элементтерімен үйлескен стилі (2005) шығармашылық коллекцияларының авторы.

Жұмыстары қазіргі өнер мұражайында (Астана қаласы), Француз мәдени орталығында (Алматы қаласы), Президенттік мәдени орталықта (Астана қаласы), «Shahar» Арт-орталығында (Апматы қаласы, 2004) қойылған.

Бейнелеу өнерінің түрлері - этноавангард стилінде қыздар және ерлер киімдерін моделдеу және рельефтік живопись.

Марапаттары мен жетістіктері[өңдеу]

  • Әлемдік «Экспо-98» көрмөсіне (Лиссабон қаласы, 1998) қатысқан.
  • Астана қаласы әкімшілігі және Еуразия даму банкі қолдау көрсеткен «Новая линия» көркемдік көрмесіне қатысқан (Астана қаласы, 2004)
  • Қазақстандағы Жоғары сән апталығына «Турандот» коллекциясымен қатысқан.
  • Венадағы «Contemporary Art» халықаралық көрмесіне қатысқан.
  • Қазандағы қазіргі өнер халықаралық көрмесіне қатысқан (Алматы қаласы).
  • «Сән-2000» конкурсының «Климат жайлы ойлар» алғашқы шығармашылық моделі үшін, «Астана-Бәйтерек 2005» Республикалық көрме-конкурсының (Астана қаласы, 2005) дипломанты.
  • Алматының «Pret-а-Porter: 2002-нің жазы мен күзі» фестивалінде «Ал мүмкін?» жастардың авангардтық джинсы киімдері коллекциясы үшін ең үздік композиция дипломын (2002) алған.
  • «Ару-2003» халықаралы көрмесінде қазіргі заманда ұлттық дәстүрлерді үздік үйлестіргені үшін дипломын алған.
  • «Шабыт» халықаралық конкурсының Бас жүлдесінің иегері (2009).
  • ҚР Мәдениет, ақпарат және спорт министрлігінің «Қазақстан бейнелеу өнерін дамытуға қосқан үлесі үшін» құрмет грамотасымен марапатталған (2005).
  • Мәдениет қайраткері.

Отбасы[өңдеу]

Әкесі - Марат Әбілқайырұлы Молдағалиев (1953 жылы туған), «Қуат» компаниясының президенті, Каспий және Арал мәселерінің Республикалық үйлестіру кеңесінің мүшесі.

Анасы - Мәрия Тәшкенбайқызы Молдағалиева (1956 жылы туған), «ҚАЗЭКСПО» халықаралық көрме компаниясының президенті, Алматы қаласы Сауда-өнеркәсіп және кәсіби палатасының президенті, Америка өмірбаян институтының (АВІ) Кәсіби әйелдер Кеңестік комитетінің мүшесі.

Тұрмыс құрмаған.[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2