Ұлттық қауіпсіздікке төнетін қауіп-қатерлер

Ұлттық қауіпсіздікке төнетін қауіп-қатерлер - ұлттық мүдделерді жүзеге асыруға кедергі келтіретін, ұлттық құндылықтар мен ұлттық өмір салтына зиянын тигізуі мүмкін жағдайлар мен факторлар жиынтығы. Ұлттық қауіпсіздікке төнетін қауіптің көзі мыналар болуы мүмкін: шетелдік мемлекет (мемлекеттер тобы), бірлескен топтар, жекелеген тұлғалар, экономикадағы, экологиядағы, әлеуметтік, ақпараттық саладағы процестер мен құбылыстар және тағы басқалар. Ұлттық қауіпсіздікке төнетін қауіп-қатерлер ішкі және сыртқы болып бөлінеді: сыртқы - ықпал ету қауіп көзі ұлттық шекара аумағынан тыс жерлерде; ішкі - қауіп көзі мемлекеттің өз ішінде. Ұлттық қауіпсіздікке төнетін қауіпқатерлердің объективті және субъективті себептері бар, олар жүзеге асырылу мүмкіндігіне қарай: шынайы, ықтимал, жорамал; әсер ету ауқымына қарай: ғаламдық, аймақтық, субаймақтық, мемлекеттік, шағын сипатта болады.