Ұнату

Ұнату (гр. sympatheia — елігу, іштей ұнату) — адамның басқа кісілерге, олардың топтарына не әлеуметтік құбылыстарға орнықты мақұлдаушылық эмоциялық қатынасы; жарқын жүзбен, тілектестікпен, тәнті болып қараудан, қарым-қатынас жасауға, ілтипат білдіріп, көмектесуге дайын тұрудан және т.б. ізгі ниеттерден көрінеді. Әдетте, көзқарастардың, мүдделердің бірлігінен, адамгершілік мұраттастықтан туындайды. Басқа адамның сырттай сымбаттылығына, жарасымды жүріс-тұрысына, жағымды мінезіне ұната қараушылықтан да пайда болуы мүмкін. Өзінің динамикасында ұнату құштарлыққа, берік жақындыққа ұласуы да, сондай-ақ суынып кетуге, тіпті жек көрушілікке айналуы да мүмкін. Тұлғааралық қарым-қатынастарда адамдар интеграциясының және психологиялық қолайлы жағдайдың сақталуының бір факторы болып табылады.