Ұялышалқар

Ұялышалқар
Морфометрия
Теңiз деңгейiнен биіктігі	328,2 м
Өлшемі	5,9 × 5,4 км
Ауданы	16,1 км²
Жағалау сызығының ұзындығы	19,4 км
Орналасуы
50°37′19″ с. е. 70°21′38″ ш. б.50.62194° с. е. 70.36056° ш. б. / 50.62194; 70.36056
Ел	Қазақстан
Аймақ	Ақмола облысы
Аудан	Қорғалжын ауданы
Ұялышалқар
Ұялышалқар

Ұялышалқар – Нұра алабындағы көл.

Географиялық орны

Ақмола облысы Қорғалжын ауданындағы жерінде орналасқан. Көл Ұялы ауылының шығысында 2 км жерде, теңіз деңгейінен 328,2 м биіктікте.

Гидрографикасы

Ауданы 16,1 км ² (кей жылдары 17,6 км ²). Ұзындығы 5,9 км, ең енді жері 5,4 км. Жағалау сызығы 19,4 км. Солтүстік және батыс жағалары биік, жарлы, оңтүстік және шығыс жағалары түйетайлы, жайпақ. Түбі құмды, кей жерлері батпақты. Ұялышалқарды Нұра өзені жарып ағып өтеді. Сондықтан оның суының деңгейі көбінесе Нұра өзеніне байланысты. Көл негізінен көктемгі қар және жерасты суларымен толығады. Суы тұщы, ауыз су ретінде және мал суаруға пайдаланылады.

Өсімдігі, жануарлары

Жағалауының таяз жерлерінде қамыс өскен. Көлде алабұға, мөңке, аққайран, шортан, шабақ, қарабалық мекендейді. Көптеген су құстары ұя салады.