Һибатулла Тарази мешіті

Уикипедия — ашық энциклопедиясынан алынған мәлімет
Навигацияға өту Іздеуге өту

Ашылуы[өңдеу | қайнарын өңдеу]

Һибатулла Тарази атындағы мешіт Көне Тараз қаласының көркіне айналғалы тұрған қазіргі жаңа зәулім орталық мешіт Бішкек пен Ташкент қалаларын жалғастырып жатқан облыс астанасын жарып өтетін ежелгі жібек жолының басына орналасқан.


Көлемі[өңдеу | қайнарын өңдеу]

Мешіттің бастапқы кездегі бейнесі.

Мешіттің жалпы ауданы 2324,2 шаршы метр пайдалы көлемі әйелдер намаз оқитын бөлмені қосқанда 947,2 шаршы метр. Мешіт 1024 адамға арналған. Айт және жұма намаздарында мешіттің төменгі қабатын пайдалануға болады, онда 2000 адамға дейін намазға жығылуға мүмкіндік туады. Мешіт қабырғасының биіктігі 16,7 метр, төменгі қабатының биіктігі 4,2 метр. Екібас мұнараның биіктігі 47 метрден. Мешітте жеті күмбез бар. Негізгі үлкен орталық күмбездің биіктігі 32,5 метр. Мешіттің төменгі қабаты екі бір қалашық десе болғандай. Онда жылу жүйесі мен арнайы автоматты қондырғы бар. Қысқы киім шешетін орында орналасқан. Жоғарыда намаз оқитын үлкен залға бара-бар мұнда да зал бар.

Толықтай мәлімет[өңдеу | қайнарын өңдеу]

Мешітке жалғастыра салынған екі қабатты медресе кешенінде Имам мен найб имамдар отыратын бөлмелер, мәжіліс залы, алқа мүшелері отыратын бөлме, құран оқитын бөлме, кітапхана, демалыс, неке қию, сүндетке отырғызу бөлмелері, асхана бар. Ерлер мен әйелдер дәретханалары да мешіт пен медресеге жалғас орналасқан. Мешіт құрылысы облыс әкімі Серік Әбікенұлы Үмбетов мырзаның басшылығымен 2003 жылы маусым айында басталып, осы кездегі облыс әкімі Бөрібай Биқожаұлы Жексембин уақытында қала әкімі Ілияс Әлімұлы Тортаевтың қадағалауымен 2007 жылы 27 сәуір қасиетті жұма күні ҚР-ның президенті Н.Ә.Назарбаев және бас мүфти Әбсаттар қажы Дербісәлі шеих пен облысымыздың құрметті асақал ардагерлердің қатысуымен ашылды. Мешіт бұқара халықтың қаржы жинауымен салынған.

Сілтеме[өңдеу | қайнарын өңдеу]

http://e-islam.kz/qazaqstan-musylmandary-dini-basqarmasy/item/783-eislam(қолжетпейтін сілтеме)

Дереккөздер[өңдеу | қайнарын өңдеу]