Әбдуәли Қарағұлов

Әбдуәли Қарағұлов (20.10.1909, Ақтөбе облысы Алға ауданы - 20.1.1999, Алматы) - журналист. Бұрынғы қазақ коммунистік журналистика институтын бітірген (1939). 1926 - 30 жылдары ауданында Кеңес партия органдарында қызмет атқарған. 1931 - 32 жылдары Ақтөбе ауданында "Алға" газетінде бөлім меңгерушісі, 1934 - 36 жылдары Ақтөбе облыстық "Социалистік жол" газетінің жауапты хатшысы, 1939 - 41 жылдары ҚазТАГ директорының 1- орынбасары. 1941 - 44 жылдары Қарағанды облысында "Советтік Қарағанды" газетінің редакторы, 1944 - 46 жылдары Қазақстан К(б)П ОК Үгіт және насихат бөлімі меңгерушісінің орынбасары болып қызмет істеген. 1946 - 53 жылдары "Социалистік Қазақстан" (қазіргі "Егемен Қазақстан") газеті редакторының орынбасары, 1953 - 56 жылдары Қазақстан КП ОК-нің насихат және Үгіт бөлімі меңгерушісінің орынбасары, 1957 - 58 жылдары "Жаңа өмір" журналының бас редакторы, 1958 - 59 жылдары ҚР Министрлік Кеңесі жанындағы радио және телевизия комитеті председателінің орынбасары, 1959 - 73 жылдары Алматы облысында "Жетісу" (1964 жылға дейін "Коммунизм таңы") газетінің редакторы қызметтерін атқарған. Қарағұлов көптеғен публицистикалық ғылыми мақалалардың, очерк, фельетон, сын-сықақ, әзіл-әңгімелердің авторы. Екі рет Еңбек Қызыл Ту, "Құмет белгісі" ордендерімен және медальдармен марапатталған.