Әбдікерім Қадірбекұлы Уәлиев

Әбдікерім Қадірбекұлы Уәлиев - 1963 жылы 29 маусымда Алматы облысы Іле ауданының Қарасу кентінде туған. Қазақ. Әкесі - Уәлиев Қадірбек, зейнеткер, журналист, театр сыншысы, аудармашы болған. Анасы - Жақтаева Қымбат Қалиәкбарқызы, зейнеткер, мұғалім болған. Алматы педагогикалық шетел тілдері институтының неміс тілі факультетін (1984) неміс тілі мұғалімі мамандығы бойынша; Қарағанды экономикалық Қазақ тұтынушылар одағы университетінің заң ғылымдары факультетін (2007) заңгер мамандығы бойынша бітірген. Қазақ, орыс, неміс және ағылшын (сөздікпен) тілдерін біледі.

• 1984 жылдан - Қазақ шет елдермен достық және мәдени байланыс қоғамының шетелдік байланыстар бөлімінің референті.
• 1985 жылдан - Кеңес Әскерінің қатарында қызметте.
• 1986 жылдан - Қазақ достық қоғамы төралқасының аға референті, жауапты хатшысы.
• 1991 жылдың сәуірінен - республикалық «Шарапат» қайырымдылық қоры дирекциясының маманы.
• 1991 жылдың маусымынан - Ауғанстан соғысы ардагерлері Алматы қалалық, Алатау аудандық ұйымының төрағасы.
• 1994 жылдан - «КРАМДС банк» АБ «Қазына» бөлімшесінің валюталық операциялар бөлімінің маманы.
• 1995 жылдан - ҚР Мемлекеттік кеден комитетінің Қостанай облысы бойынша Кеден басқармасы Сыртқы байланыстар басқармасының инспекторы, халықаралық кедендік ынтымақтастық бөлімінің бастығы, Жұмысты ұйымдастыру басқармасы бастығының орынбасары, бастығы, жеке қауіпсіздік қызметінің бас инспекторы.
• 1998 жылдан - ЕурАзЭҚ Интеграциялық комитетінің Кеден ісі жөніндегі бас басқармасының кеңес берушісі.
• 2000 жылдан - ҚР Мемлекеттік кірістер министрлігі Кеден комитеті Бас инспекторлық ұйымдастыру жұмысы басқармасы инспекторлық тексерулер бөлімінің бастығы; 2002 жылдың қаңтарынан - Кеден инспекциясы басқармасының бастығы.
• 2002 жылдың қазанынан - ҚР Кедендік бақылау агенттігі Кеден инспекциясы басқармасы бастығының орынбасары; 2003 жылдан - Ішкі жұмыстар басқармасы бастығының орынбасары - бақылау және құжаттамалық қамтамасыз ету бөлімінің бастығы; 2004 жылдың мамырынан - Ішкі жұмыстар басқармасы бастығының м.а. - бақылау және құжаттамалық қамтамасыз ету бөлімінің бастығы; 2004 жылдың маусымынан - Ішкі жұмыстар басқармасының бастығы.
• 2004 жылдың желтоқсанынан - Кедендік бақылау комитеті «Майқапшағай» кедені ұйымдастыру жұмысы және бақылау басқармасы бастығының орынбасары;
• 2005 жылдан - бастығы; 2006 жылдан- «Достық» кедені Мамандар басқармасы штаттық ұйымдастыру жұмысы бөлімінің бас маманы; 2008 жылдан - бастығының орынбасары; 2009 жылдан - ҚР қаржы министрлігі ұйымдастыру жұмысы және бақылау басқармасы бастығының м.а.
• 2010 жылдың қаңтарынан бері - Ақмола облысы бойынша Кедендік бақылау департаментінің бастығы. Алатау аудандық Ауғанстан соғысы ардагерлері ұйымының (1991-1994); Алматы қалалық Ауғанстан соғысы ардагерлері ұйымының (1994) төрағасы. Ауғанстан Демократиялық Республикасы Үкіметінің «Жауынгер-интернационалистке ауған халқынан алғыс» (1987), КСРО Үкіметінің «Жауынгер-интернационалистке» (1987), «КСРО Қарулы Күштеріне 70 жыл» (1988) медальдарымен; БЛКЖО ОК «Әскери еңбегі үшін» (1986) құрмет белгісімен, КСРО Жоғарғы Кеңесі Президиумының (1987) құрмет грамотасымен марапатталған.

Әскери атағы - кеден қызметінің полковнигі.
Діни көзқарасы - ислам.
Саяси қайраткер ретіндегі идеалы - Ш. де Голль, Э. Че Гевара.
Қазақстанның болашағы туралы болжамы - «Өркендей беретін Қазақстан».
Хоббиі - оқу.
Сүйіп оқитын әдебиеті - Р. Акутагава, Ә. Несин, М. Булгаков, И. Ильф, Е. Петров.

Үйленген. Жұбайы - Жанқалиева Айымкүл Қазбекқызы, Президенттік мәдениет орталығының бөлім меңгерушісі. Ұлы - Уәлиев Дулат, қызы - Уәлиева Салтанат.