Әбдімомын Желдібаев

Әбдімомын Желдібаев
Негізгі ақпарат
Туған күні	15 қазан 1934(1934-10-15) (85 жас)
Туған жері	Жамбыл облысы Шу ауданы
Мемлекет	Кеңестік Социалистік Республикалар Одағы Қазақ КСР Қазақстан
Мамандығы	күйші композитор
Аспаптары	домбыра
Жанрлары	күй
Марапаттары

Әбдімомын Желдібаев (1934 жылы 15 қазанда Жамбыл облысы Шу ауданында туған) — қазақтың атақты күйші-композиторы. Қазақстан Республикасының Еңбек сіңірген мәдениет қайраткері. "Ерке сылқым" күйінің авторы.

Толығырақ

• Әбдімомын Желдібаев 1934 жылы 15 қазанда Жамбыл облысы Шу ауданында дүниеге келген.
• Құрманғазы атындағы Қазақ ұлттық консерваториясын бітірген.
• Күйшінің атақты күйі "Ерке сылқым" құрметіне 2011 жылы Шу қаласында ескерткіш орнатылды.
• Бірде күйшінің Түркістан газетіне берген сұхбатында күй туралы былай деген еді:

Күйге адалдық пен тазалық керек. Осы екеуi болмаса тыңдаушылардың жүрегiне жетпейдi. Халтураның өмiрi қысқа. Күйлерiмдi жүз рет толғанып, қырық рет толғатып барып шығарамын. Мен өзiм бiттi деген жерден бiтедi. Iзденiсiм сонымен тоқтайды. Сыншылардың тiсiн батыра алмай жүргенi де содан болар.

— Әбдімомын Желдібаев. Түркістан газеті

Шығармалары

Композитордың "Толғау", "Ерке сылқым", "Боз жігіт", "Жесір сазы", "Ыдырыс", "Аққу", «Арман құс», «Абай арманы», «Жамбыл толғауы», «Тұран елі» сияқты 70-тен астам күйі мен әні бар.сияқты. Оның «Ерке сылқым» күйі халыққа кеңінен таралған.

Марапаттары

• Қазақстан Республикасының Еңбек сіңірген мәдениет қайраткері құрметті атағының иегері.
• Парасат ордені
• Құрмет ордені
• Н.Назарбаевтың жеке айрықша белгідегі "Алтын барыс" төсбелгісінің иегері.
• 2011 жылы "Қазақстан Республикасы тәуелсіздігне 20 жыл" медалі