Әбдімәлік Манапұлы Әшімов

Әбдімәлік Манапұлы Әшімов(1944 жылы туған, Өзбекстан Республикасы, Ташкент қаласы) – техника ғылымның докторы (1993), профессор (1995). Мәскеу химика-технологикалық институтын (1967) бітірген.

Жұмыс орны мен ғылыми дәрежесі: Оңтүстік Қазақстан мемлекеттік педагогикалық институтының ғылыми-зерттеу зертханасының меңгерушісі техника ғылымдарының докторы. Қазақстан Республикасының Жаратылыстану ғылыми Академиясының академигі. 1967–1981 жылы Қазақ химия-технологикалық институтында инженер, аға ғылыми қызметкер,

1981– 1988 жылы лаборатория меңгерушісі, физика және коллойдтық химия кафедрасының доценті болды.

1993 жылдан Халықаралық қазақ-түрік университетінің Шымкент бөлімшесінің физика және коллойдтық химия кафедрасының профессоры, институт проректоры, жаратылыстану-математика пәндері бойынша оқыту ғылым кешенінің директоры, химия-биология факультетінің деканы, вице-президенті, ректоры қызметтерін атқарды.

Ғылыми еңбектері: 200-ден астам ғылыми еңбектері бар, оның ішінде оқулықтар, оқу-әдістемелік құралдар және 5 монографиясы жарыққа шыққан. Ол 40 патент және автор куәліктерінің авторы. Ол 3 ғылым докторын және 6 ғылым кандидатын дайындаған. Ғылыми жұмыстарының нәтижелері Шымкент май комбинатында, Шымкент және Әндіжан гидролиз зауыты мен Ферғана бірігу зауыттарында енгізілген. Ғылыми-зерттеу жұмыстарындағы жетістіктері үшін өкімет тарапынан "ҚР ғылымының дамуына еңбегі сіңген" құрмет медалімен марапатталған. Оның ғылыми-зерттеу жұмыстарын Түркия, Сирия, Франция елдері мойындаған. 2004 жылы 272 нөмірмен тіркелген "Закономерность усиления биорезонансной активации семян сельскохозяйственных культур" деген тақырыпта жаңалық ашқан. Халықаралық ғылыми ашылымдар академиясының диплом иегері.

Ауылшаруашылығы саласы бойынша ашқан соңғы ғылыми жаңалығы: ғалымның айтуынша, ғылыми жаңалық ауыл шаруашылығы дақылдарының өнімділігін 11 минутта тыңайтқышсыз-ақ 50 пайызға арттыруға мүмкіндік береді. Бұл әдістің басты ерекшелігі – гендік деңгейдегі өзгерістің болмайтындығында болып отыр. Ғылыми-зерттеу бағдарламасы бойынша тұқымды себер алдындағы электромагниттік модуляция әдісімен енгізу технологиясы 2000 жылы Ақмола облысының экономикасына жылына 144 млн. теңге көлемінде табыс әкеледі. Аталған технология Ресейде, Украинада, Өзбекстанда және Қазақстанның 6 облысында сынақтан өтті және әлемдік тәжірибеде теңдесі жоқ деп саналады. Қазіргі таңда ашылған жаңалық биология саласы бойынша Нобель сыйлығына ұсынылуы мүмкін деген жорамалдар да жоқ емес. Себебі, отандық ғалымдарға ғылыми жаңалықтың ашылғандығы туралы диплом берілген. Жаңа ашылған технология «Түрлі ауыл шаруашылығы дақылдарының тұқымдары мен көшеттерін биосерпінді күшейту» деп аталады.