Әбдірахман Бегалинов

Әбдірахман Бегалинов
Туған күні	10 қазан
Туған жері	1946 жыл
Ұлты	Қазақ

Әбдірахман Бегалинов 1946 жылы 10 қазанда Қостанай облысы Жетіқара қаласында туған.

• В.И. Ленин атындағы Қазақ политехникалық институтының бітірген (1969), тау-кен инженері. Техника ғылымдарының кандидаты (1989), докторы (2000). Профессор (2002 жылдан). ҚР ҰИА (1993 жылдан), ХИА (1995 жылдан) академигі.
• «Жару жұмыстарының механизациясы» анықтамалық құралының (Мәскеу қ., 1992), «Ашық кен жұмыстарынан бүлінген жерлерді қалпына келтіруді қарқындандыру» кітабының (Алматы қ., 1994), «Ашық кен жұмыстарының процестері» (Алматы қ., 1997), «Кенді ашық әдіспен қазу технологиясы» (Алматы қ., 1999) оқу құралдарының, «Алтынды тиосульфатты ерітінділеу» ғылыми монографиясының (Алматы қ., 2001), «Экология және табиғат қорғау. Қазақ тілі терминдерінің салалық сөздігінің» (Алматы қ., 2001), сондай-ақ 40-тан астам ғылыми-техникалық мақалалардың тең авторы.«Құрамында барит бар кендерді флотациялау тәсілі» (1990), «Құрамында барит бар кендерді флотациялау тәсілі» (1991), «Іштен жанатын қозғалтқыш үшін ауа жинағыш» (1992), «Үйінділеудің тәсілі» (1992), «Сусымалы материалдардың сыйымдылығын жүктеуге арналған қондырғы» (1991), «Алтынды көміртекті-сульфидті шикізаттан алу тәсілі» (1996), «Марганец қосындыларын марганецсульфаты ерітіндісінен алу тәсілі» (1997), «Баланстан тыс жатқан қиын байытылатын кендердің үйінділерін ерітінділеу тәсілі» (1997), «Кендерді ерітінділеу кезінде қышқылдық ерітіндінің ағатын жерлерін оқшаулау үшін жеңілдетілген тығындаушы құрам» (1997), «Кендерді жер астында ерітінділеу кезіндегі ерітінділер мен ағып келетін сулардың ағатын аймақтарын гидрооқшаулауға арналған құрам» (1997), «Алтынды сульфидтік кендер мен концентраттардан алу тәсілі» (1998), «Асыл металдарды электролиз ерітінділерінен алу тәсілі және оның қондырғысы» (1999), «Бағалы металдарды алу тәсілі» (2000) еңбектеріне 15 авторлық куәліктері бар.
• 1969 жылдан - ұсату-сұрыптау фабрикасының кен шебері, Тоқтығат кенішінің учаске бастығы, Нижне-Ашутск кенішінің бас инженері, Нижне-Ашутск кенішінің бастығы ӨТБ бастығы, Торғай бокситті кен басқармасының бас инженері (Арқалық қ.). 1986 жылдан – Қарағанды облысы Қарқаралы ауданы Қарағайлы қала типтес кентіндегі Қарағайлы кен-байыту комбинатының директоры. 1991 жылдан - ҚР Президенті Аппараты мен ҚР Министрлер кабинеті енеркәсіп және халық тұтыну тауарлары бөлімінің меңгерушісі. 1993 жылдан - «Аптыналмас» ҰАК президенті (Алматы қ.). 1995 жылдан - «Қазметалл» ААҚ вице-президенті (Алматы қ.). 1997 жылдан - «Оrient Gold» ИӨК ЖАҚ бас директоры (Апматы қ.). 2000 жылдан – қосымша қызмет ретінде Қ.И. Сәтбаев атындағы Қазақ ұлттық техникалық университеті АКЖ кафедрасының профессоры, 2003 жылдан - «Сымбат-ХХІ» ЖШС бас директоры (Алматы қ) 2006 жылдан бері - Қ.И. Сәтбаев атындағы ҚазҰТУ «Кен жыныстарының бұзылуы және шахта құрылысы» кафедрасының меңгерушісі.
• Арқалық қалалық Халық депутаттары кеңесінің (1985-1986), Қарағанды облысы Қарағайлы қала типтес поселкі аудандық Халық депутаттары кеңесінің (1986-1991) депутаты. Қазақстан Компартиясы Арқалық қалалық комитетінің мүшесі (1975-1978). Қазақстан Компартиясы облыстық комитетіне мүшелікке кандидат (1988-1990). Қазақстан Компартиясы Қарқаралы аудандық комитетінің бюро мүшесі (1988-1990). Қазақстан Компартиясы ОК мүшесі (1990) ҚР ЖАК Сараптама Кеңесінің сарапшысы және төрағасының орынбасары (2000-2003).
• «Горно-геологический жунал» (2003), «Горный журнал Казахстана» (2002) журналдары редакциялық алқаларының мүшесі. ҚазҰТУ десертациялық Кеңесінің мүшесі (2001).
• «Құрмет белгісі» (1981), Еңбек Қызыл Ту (1991) ордендерімен; «Ерен еңбегі үшін» медалімен (2002) марапатталған. ҚазКСР Министрлер кеңесі сыйлығының лауреаты (1989).