Ислам Әбенов

Әбенов Ислам (1932-2003, Атырау облысы Жылыой ауд„ Жаршық а.) ). Қазақ КСР-нің еңбек сіңірген мұнайшысы (1971). Мәскеу мұнай институтын (1957), Жоғары партия мектебін (1979) бітірген. 1957-1960 жылдары - Қосшағыл мұнай кәсіпшілігінде оператор, мұнайды екінші әдістермен өндіру шебері, мұнай өндіру шебері, аға инженері. 1960 жылы - Мұнайлы мұнай кәсіпшілігінің меңгерушісі. 1961 жылы - Құлсары ірілендірілген мұнай кәсіпшілігінде партбюро хатшысы, 1962-1968 жылдары - бас инженер. 1968-1970 жылдары - Қаратон МГӨБ бастығы. 1970 жылы - «Прорвамұнай» МГӨБ бас инженері. 1971-1973 жылдары - «Өзенмұнай» МГӨБ бас инженері, Маңғышлақ газ өндіру басқармасының бастығы. 1973-1979 жылдары - Қазақстан Коммунистік партиясы Жаңаөзен қалалық комитетінің бірінші хатшысы. 1979-1987 жылдары - Маңғышлақ облыстық кәсіподақ Кеңесінің төрағасы. 1987-1994 жылдары - Маңғышлақ ұңғымаларды күрделі жөндеу мен қаттардың мұнай беру деңгейін көтеру жөніндегі басқармасында бас инженердің орынбасары. 1994-1996 жылдары - «ТасболатойлДевелопмент» ЖШС (Қазақстан-Кипр біріккен кәсіпорны) бас директорының орынбасары. Еңбек Қызыл Ту, «Халықтар достығы» ордендерімен, медалдарымен, сондай-ақ Қазақ КСР Жоғарғы Кеңесінің Құрмет грамоталарымен марапатталған.