Әбен Атамқұлұлы

Эбен Атамқұлұлы (1901, Райымбек ауданы, Ақсай ауылы — 1932, сонда) — ақын, ағартушы. Жасынан Жүсіпбек Шайхисламұлынан дәріс алып, Шығыс әдебиетінен сусындап өседі. Елде жаңа өкімет орнаған жылдары ағартушылық саласына белсене араласып, алғашқы мәдени шаралардың ұйытқысы болады. Белгілі қоғам қайраткерлері Ы.Көшкінов, Ә.Жүнісов, М.Серікбаевпен үзеңгілес жүріп, 1927 жылы М.Әуезов, О.Жандосов, І.Жансүгіров сынды ұлт зиялылармен кездесіп, таныса- ды. Жүсіпбек қожа бастырған қисса-дастандарды түгелге жуық жадында ұстап, жұрт алдында насихаттаушы болған. Өзінің көптеген туындылары 1932 жылы абақтыға қамалғанда НКВД қызметкерлері тарапынан тәркіленіп, із-түзсіз кеткен. Ақынның кезінде Жамбыл, Үмбетәлі сияқты ақындармен қағысулары мен абақтыда жазылған аздаған өлең, толғаулары баспасөз беттерінде жарияланды.