Әбсаттар Қарымсақов

Уикипедия — ашық энциклопедиясынан алынған мәлімет
Jump to navigation Jump to search
Әбсаттар Қарымсақов
Әбсаттар Қарымсақов.jpg
Туған күні

1910 (1910)

Туған жері

№ 3 ауыл, Сырдария ауданы, Қызылорда облысы

Қайтыс болған күні

15 тамыз 2001 (2001-08-15)

Әбсаттар Қарымсақов (191015 тамыз 2001) — еңбек және соғыс ардагері. Қызылорда облысы, Сырдария ауданы, № 3 ауылда туған.

Өмірбаяны[өңдеу | қайнарын өңдеу]

1910 жылы Қарымсақ пен Ұрқия шаңырағында дүниеге келген. Қызылорда совхоз техникумын тәмамдады, механик (1938), Ленинградтағы Киров атындағы 1-әскери-жаяу әскер училищесін бітірді (1941).

Облыста колхозды алғаш ұйымдастырушының бірі. Қызылорда тәжірибе шаруашылығында дақыл өсірумен айналысты, кейін бригадир, шаруашылық басшысы болып қызмет атқарды. Содан соң қолына кетпен ұстап аты аңызға айналған «Шиелі», «Қырықбайтақ» және «Қос апан» сияқты үлкен каналдарды кетпенмен қазуға жұртты жұмылдырып, аңызақ, ашық далаға мол су жеткізді. Бидай егіп, жоңышқа өсірді, ауқымды шабындықтар мен жайылымдықтар жасап, елді еңбекке баулып, аса қиын тығырықтан алып шықты.

Ә.Қарымсақов Ұлы Отан соғысы басталғанда туған жерін қорғауға аттанды. Ленинградтағы Киров атындағы 1-әскери-жаяу әскер училищесін ойдағыдай бітірген бойы 1-Украина майданына жөнелтілді. Онда барған соң атқыштар взводының командирі болып тағайындалды. Соғыс техникасының, қару-жарағының тілін біліп, оны көздеген нысанаға бағыттауды жетік үйренген. Ол Украина, Польша, Германияда жауынгерлік үлкен жолдан өтті. [1]

Сталинград және Курск үшін болған қан майдандарына қатысты.

Отбасы[өңдеу | қайнарын өңдеу]

  • Әкесі – Қарымсақ, Анасы – Ұрқия /өзге мәлімет жоқ/.
  • Үйленген: зайыбы – Әнипа Бәйменқызы Қарымсақова еңбек ардагері /1910 - 29 қаңтар 1994/, балалары – Итен /1940/ журналист-жазушы, Сейтен /1947/ дәрігер, Дүйсен /1950/ дәрігер, Сұлтан /1953/ дәрігер. [2]

Марапаттары[өңдеу | қайнарын өңдеу]

•«Қызыл жұлдыз» ордені •«Жауынгерлік ерлігі үшін» медалі •«Германияны жеңгені үшін» медалі •«Ерлігі үшін» медалі •«Мәскеудегі халық шаруашылығы жетістіктері көрмесінің алтын медалі», басқа да көптеген жауынгерлік және мерекелік медальдармен, Құрмет грамоталарымен марапатталды.

Дереккөздер[өңдеу | қайнарын өңдеу]

  1. Ел ардақтылары. Қазақстан Республикасы Тәуелсіздігінің 20 жылдығына арналған анықтамалық-ақпараттық, энциклопедиялық жинақ. /Редакторы К.Тұманбайұлы, Алғы сөзін жазған – ҚР Ұлттық Ғылым академиясының академигі С.Қирабаев/, Алматы, 2011, 388+8 бет. ISBN 978-601-282-247-2
  2. Отан үшін от кешкендер. 1941-1945 жылдарғы Ұлы Отан соғысындағы Ұлы жеңіске 70 жыл. Естелік кітап. Қызылорда қаласы, «АБДИ» жауапкершілігі шектеулі серіктестігінің баспаханасы. 2015