Әбубәкір Әбентаев

Уикипедия — ашық энциклопедиясынан алынған мәлімет
Навигацияға өту Іздеуге өту

Әбубәкір Әбентаев (1924-1976), Мұхтар Әуезовтің кейіпкері. Көп жылдар Оңтүстік Қазақстан облысында аудандық партия, кеңес қызметінде болған. «Өскен өркен» романының 4-тарауында қыстың қақаған боранында қалған малшыларды құтқарысушы Ноян (ол кезде Шаян, қазір Бәйдібек) ауданы басшыларының бірі ретінде кейіптелген. Романда аудандық партия комитетінің 2-хатшысы Есентаев деп суреттелген. Әбубәкір «Өмір шындығы - өміршең» деген естелігінде еліміздің оңтүстік өңіріне шығармашылық сапармен келген Әуезовпен қалай танысқанын, ұлы жазушының ашық-жарқын, ақ көңіл, аңқылдаған мінезін айта келіп:

«Өскен өркен» романы - өмірдің өзінен алынған шындық. Оның басты кейіпкерлері - біздің өзіміз. Мен өз басым Мұхаңның осы еңбегіне материал бергенім үшін және сол романның бір кейіпкері болғаным үшін өзімді шексіз бақыттымын деп санаймын. Сол күні менің кішкентай ұлым Мыңбайға өз автографын қалдырды. Үйдегі «Абай Құнанбаев» деген кітапқа: «Кішкентай Мыңбайға! Үлкен бол, ақылды бол, бақытты бол деген көңілмен - жазушы М. Әуезов» деп қол қойған кітабын үй ішімізбен көздің қарашығындай қастерлеп сақтаймыз»

деген журек тебіренісін білдірген.[1]

Дереккөздер[өңдеу | қайнарын өңдеу]

  1. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8