Әбікей Сәтпаев

Әбікей Сәтпаев
Дүниеге келгені:	1937 Сәтпаев
Ұлты:	қазақ
Мансабы:	Алаш қайраткері

Әбікей Зейінұлы Сәтпаев 1881 жылы қазіргі Павлодар облысы Баянауыл ауданы Қ.Сәтпаев атындағы ауылда дүниеге келген. Алдымен өзінің отбасында сауат ашқан ол Семей мұғалімдер семинариясында оқиды. Орыс тілі мен әдебиеті және тарих пәндерінің мұғалімі. Оқу бітірген соң Павлодардың орыс-қазақ училищесінде сабақ береді. Алаш қозғалысы тұсында ол Алаш партиясы атынан Құрылтай жиналысына депутаттыққа ұсынылған. Екінші жалпықазақ сиезінде «Шура-и-исламға» депутаттықка ұсынылған.

Кеңес үкіметі жылдары Ә. Сәтпаев халыққа білім беру саласында жемісті еңбек етті.

1920-1921 жылдары Семейдің губерниялық халыққа білім беру бөлімінің төрағасы болды. Одан кейін өзі оқыған мұғалімдер семинариясында оқытушылык жұмыста болды.

Ал 1922 жылдың желтоқсан айынан бастап жаңадан ашылған Семей педагогикалық техникумының директоры болды. Ол бұл қызметті 1927 жылдың аяғына дейін атқарды. Бұдан соң ол Омбының жұмысшылар факультетінде сабақ берді. Сол кездегі кеңестік жүйе Алашорда козғалысына катысқаны үшін айыптай берген соң, Қырғызстанға көшіп, қазіргі Бішкек қаласындағы педагогикалық институтта жұмыс істеді. Ә.Сәтпаев «Таң», «Сана» т.б. басылымдарда оқу-ағарту мәселелеріне арналған бірқатар мақалалар жазды. 1937 жылы тұтқындалып, ату жазасына кесіледі.