Әдеби бірлестік

Әдеби бірлестік, М. Әуезов атындағы әдеби бірлестік, студент жастар ұйымы. 1941 ж. мамыр айында Қазақ Мемлекеттік университетінде ұлы жазушының өзі ұйымдастырған. Қайтыс болғаннан кейін, бірлестікке оның есімі берілді. Бірлестікке кезінде 3. Қабдолов, Б. Кенжебаев, Т. Нұртазин, С. Садырбаевтар жетекшілік етті. 1960 ж. 26 желтоқсанда Әуезов «Жыл келгендей жаңалық сеземіз» деген тақырып бойынша жастар алдында сөз сөйлеп, көркемдік мұраты мен мақсаты жөніндө мәнді, ғибратты сөздер айтты. Абай, Ақан, Біржандар жеткен ән дәстүрінің Л. Хамидидің «Қазақ вальсі», Ш. Қалдаяқовтың «Ақ маңдайлымы» арқылы жалғасын тапқанына сүйініш білдірді. Бейнелеу өнерінде Ә. Қастеев, О. Таңсықбаевтардың өкшөсін баса шық қан М. Көнбаев, С. Мәмбетов, Қ. Телжанов сынды жас буынға үміт артты. Қазақ поэзиясын жанр жағынан дамытып, мазмұнын байыта түскен I. Мәмбетов, Т. Шопашев, Т. Молдағалиев, Қ. Мырзалиев, С. Жиенбаевтардың шығармашылық ерекшеліктерін жеке сөз етті. Алыс-жақын шетел әдебиет өкілдеріне тоқталып, көркемдік ізденістерінебарлау жасады. «Жақсы жазғандарыңыз далаға кетпейді, ешбір қасиет бағаланбай қалмайды, алтының танылмай қалмайды. Жақсылық арта түседі» деп түйіндеді ойын. Үлы ғұламаның бұл айтқандары бірлестіктің бағыт-бағдарына жөн сілтеп, арналы ағысын белгілеп берді. Бірлестікке мүше болғандардың, әсіресе жастардың шығармалары талқыланып, баспаларға жолдама алды. Жас талапкерлер жоғары оқу орындары арасында өтетін өнер-білім сайысына, ойын-сауыққа қатысып тұрады. Қазақ өдөбиетінің көрнекті өкілдерінің мерейтойларына байланысты ғылыми-теориялық конференциялар өткізілді. Мысалы, Әуезовтің 100 жылдық мерейтойына орай, «М. Әуезов және Қазақстан Жазушылар одағы», «М. Әуезов және халық мәдениеті» деген тақырыптар бойынша кездесу кештері ұйымдастырылды. Мұндай сыр-сұхбат, сырласу жиындары жұртшылықтың, студент жастардың рухани көкжиектерін кеңейте түседі.