Әділбек Жанғарин

Әділбек Жанғарин (6 қараша 1930, Қызылорда облысы, Қазалы қаласы - 24 сәуір 1994 Алматы) - инженер-гидротехник, ғалым, технология ғылымдарының докторы, профессор, Қазақ КСР-не еңбек сіңірген өнертапқыш (1976). Қазақ мемлекеттік ауыл шаруашылығыы институтын бітірген (1953).

Еңбек жолы

1953-56 ж, Шымкент қаласындағы ауыл шаруашылығы техникумында мұғалім, 1957-62 ж. Қазақ энергетика ғылыми зерттеулер институтында кіші және аға ғылыми қызметкер. 1963-67 ж. Жамбыл гидромелиоративтік-құрылыс институтын (қазіргі ТарМУ) "Теоретикалық механика" кафедрасының меңгерушісі, доценті. 1968-91 ж. Қазақ су шаруашылығы ғылыми зерттеулер инстимтутында жұмыс істеді. 1992-94 ж. Алматы автомобиль жолдары институтында кафедра меңегрушісі. Негізгі ғылыми өнертабыстылық жұмыстары мелиорация, егін суару, ауыз сумен қамтамасыз ету және жайылымдарды суландыру салаларында ағын суды және жер асты суоарын тазалау, гидроциклондық әдіспен су көтеру технологияларына арналған. Ол жасаған құрылғылар 85 авторлық куәлікке ие болды. Бүкілодақтық, дүниежүзілік көрмелердің 1 алтын, 6 күміс, 9 қола медальдарын алды. Жанғариннің басшылығымен 2 ғылым докторы, 6 ғылым кандидаты дайындалды. Осы институттағы гидравлика ғылыми зертхана Жанғарин есімімен аталды. "Құрмет белгісі" орденімен және медальдармен марапатталған.