Әлдене

Әлдене, философияда — өзіндік сипаты бар, бірақ әрі қарай анықталмаған нәрсе. Кант үшін әлдене — “еш нәрсеге” қарама-қарсы қойылған түсінік, барлық зат туралы ұғым, заттың мүмкіндігі және формальдық шарты. Гегель көзқарасы бойынша, әлдене — алғашқы терістеуді терістеу, ол нақты және шектеулі. Ғылым тарихында әлдене математикалық санды негіздеудің бастапқы ұғымы ретінде де қолданылған кездері болды. Бұл жағдайда әлдене сананың ешқандай айқындылығымен байланыссыз ұғым ретінде қарастырылды.