Әлем art

"Әлем art" – отандық телевизия тарихындағы қазақ әндерін орындайтын және ұлттық аспаптарда ойнайтын жас өнерпаздардың тұңғыш байқауы.. Үш тyр бойынша өткізілген байқауға 1500-ден аса үміткер қатысты. Оларды іріктеу кезеңдері мамыр айында (2007 жыл) Астана, Өскемен, Ақтау, Петропавл, Шымкент және Алматы қалаларында өтті. Мақсат – тележоба арқылы қазақ халқының дәстүрлеріне деген жастардың сүйіспеншілігін арттыру және дарынды әрі болашағынан зор үміт күттіретін жастардың өз өнерлерін көрсетулеріне жан-жақты жағдай жасау еді. "Тұран Әлем" банкі үлкен міндеттерінің бірі ретінде мәдениетті инвестициялау мен гуманитарлық дамуды қарастыратындықтан, аталмыш жобаға қолдау көрсетті. Жобаның басты идеясы әншілік және күйшілік өнердің дүбірлі додасын Қазақстан үшін жаңа да сапалы деңгейде өткізуге негізделген. Қатысушыларға қойылатын негізгі талаптар: артистік өнерінің болуы, қазақтың орындаушылық дәстүрлерін білуі және түсінуі, композицияның мазмұнын аша білуі.