Әли Демегенұлы Алпысбаев

Уикипедия — ашық энциклопедиясынан алынған мәлімет
Jump to navigation Jump to search

Әли Демегенұлы Алпысбаев (28.4.1956 жылы туған, Ескелді ауданы, Бақтыбай ауылы) — композитор, дирижер, Қазақстан Композиторлар одағының мүшесі (1995).

1975 жылы Шымкент мәдениет институтын, 1979 жылы Алматы мемлекеттік консерваториясын бітірген. 1979-82 жылдары Сарқант мәдениет-ағарту училищесінде, 1982-95 жылдары Талдықорған қаласындағы Қ.Байсейітов атындағы музыкалық училищеде, І.Жансүгіров атындағы педагогикалық университетте ұстаздық еңбек етті, әрі "Алтын дән" ұлт аспаптар ансамблінің негізін қалап, көркемдік жетекшісі, дирижері болды. 1995 жылдан Алматы облысы Сүйінбай атындағы филармонияның М.Төлебаев атындағы халық аспаптар оркестрінің дирижері, әрі көркемдік жетекшісі, сондай-ақ Талдықорған қаласындағы І.Жансүгіров атындағы Мәдениет сарайының директоры қызметінде.

Алпысбаевтың 50-ден аса әні, жеке музыкалық аспаптарға арналған бірнеше шығармасы бар. Ресей, Қытай, Түркия елдерін гастрольдік сапармен аралап, Польшада өткен 8-дүниежүзілік жүздеген өнер фестиваліне қатысқан.

І.Жансүгіров атындағы мемлекеттік университеттің кұрметті профессоры.[1]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3