Әлібек Көбентаев

Әлібек Көбентаев(1950-2007) - 13 шілдеде Қарақалпақстан Республикасы, Нөкіс қаласында туған. 1969 жылы Хожелі педагогикалық училищесін, 1979 жылы Ресейде Таганрог мемлекеттік педагогикалық институтының орыс тілі және әдебиеті факультетін бітірген.Көп жылдар Нөкіс қалалық педагогикалық училищесінде мұғалім болған. «Халыққа білім беру қызметінің үздігі». 1995 жылдан Өзбекстан және Қарақалпақстан Жазушылар одағының мүшесі. 1997 жылы тарихи Отанына оралды.

1992 жылы «Қарақалпақстан» баспасынан «Нұрлы ағыс», «Көргенді перзент», 1993 жылы «Арал» баспасынан «Алағадалы кеш» әңгіме, повесть жинақтары, 1993 жылы «Пән апталықтары», «Оқушы-практиканттарға ескертпе» ғылыми-әдістемелік кітаптары жарық көрген. 1992 жылы М.Дулатовтың «Қазақ қайдан шыққан?» кітабын аударып, «Әліп» баспасынан шығарған.