Әлімжан Сейітжанұлы Құртаев

Уикипедия — ашық энциклопедиясынан алынған мәлімет
Jump to navigation Jump to search

Әлімжан Сейітжанұлы Құртаев (10.10.1958 ж.т., Оңтүстік Қазақстан облысы Отырар ауданы Темір ауылы) – техника ғылымдарының докторы (1999).[1]

Жамбыл гидромелиорациялық-құрылыс институтын (1980, қазіргі Тараз мемлекеттік университеті) бітірген. Осы институттың Қызылорда бөлімшесінде оқытушы (1980–82), Шымкент қаласындағы «Оңтқұрылыс» тресінде шебер, аға инженері (1982–85), Алматы гидромелиоративтік-құрылыс ғылыми-зерттеу институтында кіші ғылыми қызметкер (1985–90), «Шымкентқұрылыс» тресінде комбинат директоры (1990–93), Арыс қаласының әкімі (1993–99), Оңтүстік Қазақстан облысы әкімінің орынбасары, кеңесшісі, Көші-қон және демография мекемесінің басшысы (1999–2004), ҚР Көші-қон және демография агенттігі төрағасының орынбасары (2004), Отырар ауданың әкімі (2005) қызметтерін атқарды.

«Физико-химические основы технологии композиционных материалов на силикатных вяжущих средствах» деген тақырыпта докторлық диссертация қорғады.[2]

Дереккөздер[өңдеу]

  1. “Қазақ Энциклопедиясы”
  2. Отырар. Энциклопедия. – Алматы. «Арыс» баспасы, 2005 ISBN 9965-17-272-2