Тәкен Әлімқұлов

Уикипедия — ашық энциклопедиясынан алынған мәлімет
(Әлімқұлов Тәкен бетінен бағытталды)
Навигацияға өту Іздеуге өту
Тәкен Әлімқұлов
Туған күні

22 қараша 1918 (1918-11-22)

Туған жері

Батата, Түркестан облыс

Қайтыс болған күні

13 сәуір 1987 (1987-04-13) (68 жас)

Қайтыс болған жері

Алматы

Азаматтығы

КСРО

Ұлты

қазақ

Қызметі

Ақын, жазушы, әдеби сыншысы, аудармасы

Тәкен Әлімқұлов (Тәңірберген) (22.11.1918, Созақ ауданы, Бабата ауылы – 13.4.1987, Алматы) – ақын, жазушы, әдебиет сыншысы.

Өмірбаян[өңдеу | қайнарын өңдеу]

Төлеңгіт руынан шыққан.[1] Мәскеудегі Әдебиет институтын бітірген (1953). 1936 – 1945 жылдары Шымкент қорғасын зауытында, Донецк облысында жұмыс істеді. 1945 – 1974 жылдары «Оңтүстік Қазақстан» газетінде жауапты хатшы, Лениншіл жас» (қазіргі «Жас Алаш») газетінде бөлім меңгерушісі, КСРО және Қазақстан Жазушылар одағында әдеби кеңесші қызметтерін атқарды. 1974 жылдан өмірінің соңына дейін шығармашылық жұмыспен айналысты. Шығармалары 1945 жылдан жариялана бастады. Алғашқы өлеңдер жинағы «Сапар» 1950 жылы жарық көрді. «Жазғы жаңбыр» (1964), «Қаратау өрнектері», «Туған ауылда» (1968), «Боз жорға» (1969), «Күрең өзен» (1971), «Кертолғау» (1973, 1990), «Шежірелі сахара» (1976), «Көкек айы» (1982) атты әңгімелер мен повестер жинағы, «Ақ боз ат» (1962, орыс тілінде 1968), «Тұлпардың тағдыры» (1975), «Ел мен жер» (1978), «Замана екпіні» (1982) романдары шықты. Жазушы шығармаларының негізгі тақырыбы ауыл тіршілігі, адам тағдыры, өнер қайраткерлерінің өмірі. Абай Құнанбаев туралы «Жұмбақ жан» (1978) атты зерттеу еңбегін жазды. «Өткен мен қазіргі» (1958), «Көк қаршыға» (1972), «Бар өмір алда» (1974), «Сырлы наз» (1984) кітаптары орыс тілінде жарық көрді. М.Ю. Лермонтовтың «Измаил бей» поэмасын (1951), П.Павленконың«Бақыт» (1950), Г.Николаеваның «Орақ үстінде» (1952) романдарын, Э.Сент-Экзюперидің «Кішкентай шаһзада» ертегісін, сондай-ақ А.С. Пушкиннің, В.В. Маяковскийдің, Г.Низамидің өлеңдерін қазақ тіліне аударды. Халықтар достығы орденімен марапатталған.[2]

Тәкен Әлімқұлов Мәскеудегі М. Горький атындағы Әдебиет институтын бітірген (1953). 1936 - 41 жылдары Шымкент қорғасын зауытында жұмыс істеи жүріп, мақалалар жаза бастаған. 1941 - 45 жылдары Донецк облысында жұмыс істеген. 1945 - 49 жылдары "Оңтүстік Қазақстан" газетінде жауапты хатшы,"Лениншіл жас" (қазіргі "Жас алаш") газетінде бөлім меңгерушісі. 1956 - 74 жылдары КСРО және Қазақстан Жазушылар одағында әдеби кеңесші, 1974 жылдан шығармашылық жұмыста болған. Шығармалары 1945 жылдан жариялана бастаған. Алғашкы өлеңдер жинағы "Сапар" 1950 жылы жарық көрген. "Өткен мен қазіргі" (1958), "Ақбоз ат" (1968), "Көк қаршыға" (1972), "Бар өмір алда" (1974), "Сырлы наз" (1984) кітаптары орыс тілінде жарық көрген. Орыс қаламгерлері М.Ю.Лермонтовтың "Измаил бей" поэмасын (1951), П.Павленконың "Бақыт" (1950), Г.Николаеваның "Орақ үстінде" (1952) романдарын, француз жазушысы Э.Сент-Экзюперидің "Кішкентай шаһизада" ертегісін, сондайақ орыс ақындары А.С. Пушкиннің, В.В.Маяковскийдің, Әзірбайжан ақын Низамидің өлеңдерін қазақ тіліне аударған. "Халықтар достығы" орденімен марапатталған(1978).

Шығармалар[өңдеу | қайнарын өңдеу]

  • Сапар. Өлеңдер.1950;
  • Жемісті жолда. Әдеби-сын макалалар.1958;
  • Ак боз ат. Роман.1962;
  • Жазғы жаңбырлар. Өлендер.1962;
  • Жазғы жаңбыр. Өлендер.1964;
  • Сей- тек сарыны. Повесть.1966;
  • Туған ауылда. Әңгімелер.1968;
  • Бозжорға. Өлеңдер. 1969;
  • Күрең өзен. Повесть және әңгімелер.1971;
  • Жұмбақ жан. Абай туралы деректі хикая.1972;
  • Кертолғау. Повесть және әңгімелер.1973;
  • Вся жизнь впереди. Повесть және әңгімелер.1974;
  • Тұлпарлар тағдыры. Роман. Повестер мен әңгімелер.1975;
  • Шежірелі сахара. Повестер мен әңгімелер.1976;
  • Жұмбақ жан. Зерттеу.1978;
  • Ел мен жер. Роман.1978;
  • Қаратау өрнектері. Өлеңдер мен поэмалар.1980;
  • Көкек айы. Әңгімелер мен повестер.1982.
  • Замана екпіні. Роман.1982.[3]

Дереккөздер[өңдеу | қайнарын өңдеу]

  1. https://alashainasy.kz/shezhire/shejre-tolengt-62103/
  2. Оңтүстік Қазақстан облысының энциклопедиясы
  3. “ Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6