Әлішер Дүйсенбайұлы Сүлей

Әлішер Сүлей
Жалпы мағлұмат
Туған күні	1 қараша 1995 (1995-11-01) (28 жас)
Азаматтығы
Бойы	180
Салмағы	70
Позиция	шабуылшы
Клуб жайлы ақпарат
Клуб	Тараз
Номері	9
Клуб карьерасы 2012—2014 Тобыл 35 (1) 2015 Ертіс 8 (0) 2015—2016 Тараз 43 (5) 2017 Атырау 26 (0) 2018 Ордабасы 3 (0) 2019— Тараз 5 (0) Ұлттық құрамы 2015—2016 Қазақстан-21 6 (0)

Әлішер Дүйсенбайұлы Сүлей (1 қараша 1995 жыл) — қазақ футболшысы, "Тараз" клубының шабуылшысы.

Карьерасы

Клубтық деңгейде

Карьерасын 2012 жылы 17 жасында "Тобылда" бастады. 20 маусым күні Қазақстан кубогы матчында "Оқжетпеске" қарсы ойында "Тобыл" сапында бірінші рет республикалық деңгейдегі ойында алаңға шықты. Бұл ойында "Тобыл" 3:1 есебімен жеңіске жетті. Маусым соңына дейін Қазақстан чемпионатында төрт рет алаңға шықты.

2013 жылғы чемпионатта 12 кездесуде алаңға шықты, соның екеуінде ғана 90 минут толық ойнады. 2014 жылғы маусымда 21 рет алаңға шықты, тек соңғы тур алдында "Жетісу" қақпасына "Тобыл" сапындағы алғашқы да соңғы голын енгізді.

2015 жылы "Ертіске" ауысты. "Ертісте" жарты маусым ғана ойнады, сегіз рет алаңға шықты, бірақ гол соға алмады. Маусымның екінші жартысын "Таразда" және "Тараз-21" клубтарында өткізді.

2017 жылы "Атырау" сапында Қазақстан кубогының финалисі атанды.

2018 жылы "Ордабасыда" алаңға жиі шыға алмады, 2019 жылы "Таразға" қайта оралды.

Халықаралық деңгейде

2015-16 жылдары Қазақстан жастар құрамасында 6 ойында (ЕУРО-2017 жастар турнирінің іруктеуінде) алаңға шықты.

Сілтемелер

• Профилі (Вести.кз)
• Профилі(footballfacts.ru)
• Профилі