Әмірсейіт Әлиев

Әмірсейіт Әлиев (1930 жылы туған, Бәйдібек ауданында) – журналист. ҚазМУ-ды бітірген (1951). «Оңтүстік Қазақстан» газетінде тілші, кейіннен бөлім меңгерушісі болып бастады. 1955 жылдан облыстық партия комитетінде баспасөз жөніндегі нұсқаушы, КОКП ОК жанындағы жоғарғы партия мектебін бітіріп, Оңтүстік Қазақстан өлкелік партия комитеті лекторлар тобының жетекшісі, идеология бөлімі меңгерушісінің орынбасары болды. 1964 жылдан өлкелік радио хабарларын тарату басқармасының бастығы. 1970 жылдан «Оңтүстік Қазақстан» газетінің редакторы болып тағайындалып, 1992 жылға дейін 22 жыл үздіксіз қызмет атқарып, зейнетке шыққан.