Әмірхан Мұратбекұлы Рахымжанов

Әмірхан Мұратбекұлы Рахымжанов 1960 жылы Семей облысының Үржар ауданының Бестерек аулында туған. 1987 ж. - Н.К. Крупская атындағы Семей педагогикалық институтын (1987) тарих және қоғамтану пәндерінің мұғалімі мамандығы бойынша; Қазақ қаржы экономика институтын (2000) экономист-менеджер мамандығы бойынша бітірген. Жапонияда мемлекеттік қызметкерлер алмасу жобасы бойынша тәжірибе алған (1998). Тарих ғылымдарының кандидаты (2002). Доцент, саяси ғылымдар докторы (2008). 60-тан астам жарияланымның, оның ішінде 2 монографияның авторы. 1977-1978 жылдары - Семей облысы Үржар ауданы Чапаев атындағы ұжымшарының мүшесі. 1980 жылдан - Семей облысы Үржар ауданы Чапаев атындағы ұжымшарының слесарі. 1981 жылдан -Семей облысы Үржар ауданындағы Жангелдин атындағы орта мектептің әскери жетекшісі. 1984 жылдан - Семей облысы Үржар ауданы Ленин атындағы ұжымшарының комсомол комитетінің хатшысы. 1987 жылдан - Семей облысы Үржар ауданындағы Ленин атындағы ұжымшардың партком хатшысы. 1990 жылдан - Қазақстан Компартиясы Семей облысы Үржар аукомының саяси ағарту кабинетінің нұсқаушысы, меңгерушісі. 1991 жылдан - Үржар күндізгі-сырттай, кешкі оқыту мектебінің директоры. 1991 жылдан - Семей облысының Үржар аулындағы Гагарин атындағы толық емес орта мектептің директоры. 1992 жылдан - Семей облысы Үржар аулындағы Абай атындағы орта мектептің директоры. 1994 жылдан - облыстық Білім беру департаменті бастығының орынбасары - облыстық Біліктілікті арттыру институтының (Семей облысы) директоры. 1995 жылдан - Семей қалалық Білім беру басқармасының бастығы. 1996 жылдан - Семей облыстық Білім беру департаменті бастығының бірінші орынбасары. 1997 жылдан - Семей облысының Бесқарағай аудандық білім беру бөлімінің меңгерушісі. 1999 жылдан - ҚР Денсаулық сақтау, білім және спорт министрлігінің Орта және кәсіпқой білім беру комитеті басқармасының бастығы. 1999 жылдан - ҚР Білім және ғылым министрлігінің Орта білім беру департаменті бөлімінің бастығы, директорының орынбасары. 2001 жылдан - ҚР Премьер-министрі Кеңсесі әлеуметтік-мәдени даму бөлімінің білім секторының меңгерушісі. 2003 жылдан - Астана қаласының Білім беру департаментінің директоры. 2006 жылдың сәуірінен - ҚР Президентінің Әкімшілігінің бас инспекторы. 2006 жылдың желтоқсанынан - Ақтөбе облысы әкімінің орынбасары. 2007 жылдан - ҚР мәдениет және ақпарат вице-министрі. 2008 жылдан - Астана қаласы әкімінің орынбасары. 2010 жылдан бері - «Нұр Отан» ХДП Астана қалалық филиалының төрағасы. «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) медальдарымен; «Қазақстан Республикасы Білім беру ісінің үздігі», «ҚР Білім беру ісінің Құрметті қызметкері» (2001) белгілерімен; ҚР Құрмет грамотасымен (2004) марапатталған. ҚР Білім және ғылым министрлігінің (2000), ҚР Президентінің алғыс хаттарымен ескерілген.