Әнуар Серікбайұлы Омаров

Уикипедия — ашық энциклопедиясынан алынған мәлімет
Jump to navigation Jump to search

Әнуар Серікбайұлы Омаров 1968 жылы 13 маусымда Алматы қаласында туған. Қазақ.

О.А. Байқоңыров атындағы Жезқазған мемлекеттік университетін (1998) орыс мектебінде қазақ тілі мен әдебиетінің мұғалімі мамандығы бойынша; Е.А. Бөкетов атындағы Қарағанды мемлекеттік университетін (2006) заңгер мамандығы бойынша бітірген. Қазақ және орыс тілдерін біледі. 1985 жылдан - Жезқазған облысы Ұлытау ауданы Урожайный кеңшарының тракторисі. 1986-1988 жылдары - Кеңес Әскерінің қатарында қызметте. 1989 жылдың ақпанынан желтоқсанына дейін - Жезқазған облысы Ұлытау агроөнеркәсіптік кешеннің тракторшысы, жүргізушісі. 1990 жылдың ақпанынан мамырына дейін - «Қазтүстіметжөндеу» Жезқазған тресі басқармасының бетоншысы. 1992 жылдың қыркүйегінен - Жезқазған облысы «Сарыарқа» газеті редакциясының тілшісі. 1996 жылдан - Жезқазған облысы филармониясы шығармашылық ұжымының директоры. 1997 жылдан - Жезқазған қаласы №1 орта мектебінің қазақтілі мен әдебиетінің мұғалімі. 1998 жылдан - Жезқазған қаласы Т. Қалмағанбетов атындағы қалалық филармонияның директоры. 2000 жылдан - Қарағанды облысы Сәтбаев қаласы әкімі орынбасарының м.а., орынбасары. 2002 жылдан - Сәтбаев қаласы «Сарыарқа» өңірлік газеті бас редакторының орынбасары. 2003 жылдан - «Ақ жол» демократиялық партиясының Жезқазған қалалық филиалы аппаратының басшысы. 2004 жылдың қаңтарынан 2006 жылдың желтоқсанына дейін -Жезқазған қаласы «Алтын аймақ» ЖШС директоры. 2006 жылдың қыркүйегінен - Жезқазған қаласы мәдениет және тілдерді дамыту бөлімі бастығының міндетін атқарушы, бастығы. 2008 жылдан - Жезқазған қаласы «Нұр-Құрыш» қоғамдық бірлестігінің төрағасы. 2009 жылдың қыркүйегінен 2010 жылдың ақпанына дейін - Жезқазған қаласы мемлекеттік мұражайының директоры. 2010 жылдың мамырынан - Қарағанды облысы Ұлытау ауданы әкімінің орынбасары. 2010 жылдың тамызынан - Қарағанды облысы Ұлытау ауданының әкімі.[1] 2013 жылдың маусым айынан бастап Сәтбаев қаласының әкімі.

Сыртқы сілтемелер[өңдеу]

http://satpaev.gov.kz/index.php?kaz=content&id=11

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2