Әсима Темкеқызы Бимендина

Уикипедия — ашық энциклопедиясынан алынған мәлімет
Jump to navigation Jump to search


Әсима Темкеқызы Бимендина
Дүниеге келгені: 1955 наурыз
Омбы қаласы
Мансабы:

Астана қаласы Білім басқармасының

бастығы

Әсима Темкеқызы Бимендина 1955 жылы 24 наурызда РКФСР Омбы қаласында туған. Қазақ.

Әкесі - Қожахметов Темке, марқұм. Анасы - Нұрсекеева Мәкен, марқұм. Омбы педагогикалық институты шетел тілдері факультетін (1977) шет тілінің мұғалімі мамандығы бойынша; ҚР Президентінің жанындағы Мемлекеттік қызмет академиясы біліктілік арттыру курстарын бітірген (2003). Балалар-жасөспірім туризмі мен өлкетану академиясының академигі (2006).

«Астана», «Тіл», «Білімдегі жаңалықтар» журналдарындағы, «Казахстанская правда» газетіндегі мақалалардың, сондай-ақ ҚР педагогикалық басылымдарындағы мақалалардың авторы. Қазақ, орыс, ағылшын және неміс (ауызекі) тілдерін біледі. «Нұр Отан» ХДП мүшесі.

1977 жылдан - Омбы облысы Павлоград аудандық халыққа білім беру бөлімі Логиновский орта мектебінің шөт тілі мұғалімі, 1978 жылдан - сыныптан тыс және мектептен тыс жұмыстарды ұйымдастырушы. 1979 жылдан - РКФСР Омбы облысы Павлоград аудандық комсомол комитетінің хатшысы, 1980 жылдан - бірінші хатшысы. 1983 жылдың қаңтарынан - Солтүстік Қазақстан облыстық комсомол комитетінің нұсқаушысы, 1983 жылдың сәуірінен - СҚО Жамбыл аудандық комсомол комитетінің бірінші хатшысы. 1986 жылдан - СҚО Компартиясы Жамбыл аудандық, 1988 жылдан - Возвышенский аудандық комитеттерінің үгіт-насихат бөлімінің нұсқаушысы. 1993 жылдан - СҚО Возвышенский аудандық әкімшілігінің ішкі саясат бөлімінің меңгерушісі, 1995 жылдан - тілдер секторының меңгерушісі. 1996 жылдан - СҚО Возвышенский ауданы әкімі аппаратының ішкі саясат және әлеумөттік сала бөлімінің меңгерушісі. 1997 жылдан - [[Солтүстік Қазақстан]] облыстық Білім департаментінің жетекші маманы (Петропавловск қ.). 1998 жылдан - Астана қаласы «Алматы» ауданы әкімі аппаратының ұйымдастыру және кадр жұмыстары бөлімінің бас маманы, 1999 жылдан - ішкі саясат және әлеуметтік сала бөлімінің меңгерушісі. 2001 жылдан - Астана қаласы «Алматы» ауданы әкімінің орынбасары. 2002 жылдың қарашасынан - Астана қаласы Ішкі саясат департаментінің директоры орынбасарының м.а., 2002 жылдың желтоқсанынан - директордың орынба- сары. 2003 жылдан - Астана қаласы «Алматы» ауданы әкімінің орынбасары. 2006 жылдан - Астана қаласы Білім департаментінің директоры. 2008 жылдан бері - Астана қаласы Білім басқармасының бастығы. Павлодар аудандық халық депутаттары кеңесінің депута- ты (1980-1983). «Нұр Отан» ХДП Астана қалалық филиалы саясат кеңесінің мүшесі. «Құрмет» орденімен (2009); «Қазақстан Республикасының тәуелсіздігіне 10 жыл» (2001), «Астананың 10 жылдығы» (2008), Қайырымдылыққа «Сауап» (2009) медальдарымен, Астана қаласы әкімінің алғыс хаттарымен (2000- 2010) марапатталған. ҚР Білім беру саласының Құрметті қызметкері (2007).

Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстанның өз жолы бар. Ол дұрыс жол. Стратегиялық жоспарлау өз нәтижесін береді».

Хоббиі - кітап оқу. Сүйіп оқитын әдебиеті - А. Құнанбаев, Д. Лондон, Д. Голсуорси, Ф. Оңғарсынова, Ш. Айтматов, А.П. Чехов, Л.Н. Толстой.

Тұрмыс қүрған. Жұбайы - Бимендин Ален Дастенұлы, ҚР Президент Әкімшілігі Іс басқармасының әкімшілік ғима- раттары дирекциясының жауапты қызметкері. Ұлдары - Олжас Бимендин (1984 ж. т.), ҚР ҰҚК қызметкері, Дәурен Бимендин (1990 ж. т.), студент.[1]

Дереккөздер[өңдеу]

  1. Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2