Әсия Тәжібекқызы Құрманмәлина

Әсия Тәжібекқызы Құрманмәлина - 1963 жылы 29 қаңтарда Шымкент қаласында туған. Қазақ. Әкесі-Жұманов Тәжібек Торжанұлы, инженер-құрылысшы. Анасы - Бермаханова Сара Бермаханқызы, педагог. Апматы технологиялық техникумын суретші-модельер мамандығы бойынша (1982), Қ. Жұбанов атындағы Ақтөбе мемлекеттік университетін (2005) бейнелеу өнері және сызу пәнінің оқытушысы, суретші мамандығы бойынша бітірген. Өнертану бойынша философия докторы (2008). Қазақ және орыс тілдерін біледі. 1982 жылдан - Ақтөбе орыс драма театрының безендіруші- суретшісі. 1989 жылдан - «Апақай» Ақтөбе облыстық қуыршақ театрының бас суретшісі. 2009 жылдың қаңтар айынан бері - Ақтөбе облысы «Апақай» облыстық қуыршақ театрының директоры. Қазақстан Театр қайраткерлері одағының, Суретшілер одағының, UNIMA (Халықаралық Қуыршақ театры қайраткерлерінің одағы, 2005 жылдан) мүшесі. Ақтөбе облысы әкімінің сыйлығының лауреаты (2005). ҚР Президенті жанындағы Отбасы және әйелдер істері жөніндегі ұлттық комиссияның «Қанатты әйел II» дипло- манты (2005). Құрмет грамоталарымен марапатталған (1996, 2002). Мәдениет қайраткері (2007). Саяси қайраткер ретіндегі идеалы - М. Тэтчер. Қазақстанның болашағы туралы болжамы - «Адамдардың қарым-қатынасы жоғары мәдени деңгейде болатын өркениетті қоғам, өйткені «сананы тұрмыс билейді». Сүйіп оқитын әдебиеті - А.С. Пушкин, У. Шекспир, Н.В. Гоголь, Г.Г. Маркес, Ф. Саган. Тұрмыс құрған. Жұбайы - Құрманәлин Асқар Дәулетқалиұлы, көліктегі Батыс ІІД бастығының орынбасары. Қызы - Құрманәлина Мәлике (1988 ж. т.); ұлы - Дәулетқали Шыңғыс (1992 ж. т.).