Әскери оқу орындары

Әскери оқу орындары - барлық саладағы әскери мамандарды даярлайтын орта және жоғары арнаұлы әскери білім беретін оқу орындары. Негізгі міндеттері: Қарулы Күштерге қажетті командирлер, тәрбиешілер мен әлеуметтік-құқық саласының кызметшілері, инженер-техниктер және т.б. арнаулы мамандар даярлау, олардың біліктілігін арттырып, әскери білімдерін, дайындықтарын жетілдіру. Әскери оқу орындарының тыңдаушылары әскери басшылық саласына маманданған, жалпы тактика, арнаулы әскер түрлерінің тактикасы т.б. оқып үйренеді. Оларда әскери-техникалық даярлыққа (қару мен әскери техниканыны меңгеруге) да үлкен маңыз беріледі. Сондай-ақ, Әскери оқу орындарында қоғамдық ғалымдарды да терең оқытып үйретеді, әскери педагогика мен әскери психологияны, армиядағы саяси-ұйымдастырушылық жұмыстар әдістемелерін оқып зерттейді. Қазақстандағы әскери оқу орындары қатарында Алматы жоғары әскери академиясы, Шекарашылардың жоғары әскери институты, ҰҚК-нің, Алматы жоғары әскери институты, Ақтөбе жоғары әскери авиация институты, Ақтау қаласы Әскери-теңіз институты, Қазақстан ІІМ Ішкі әскері Петропавл жоғары әскери инты, Ш.Уәлиханов атындағы Кадет корпусы, жоғары оқу орындары жанындағы офицерлер даярлайтын әскери кафедралар, курстар, Астанадағы армия ген. С.Нұрмағанбетов атындағы «Жас ұлан», Алматыдағы Б.Момышұлы атындағы және Қарағанды, Шымкент қаларындағы әскери бағыттагы орта арнаулы мектептері т.б. бар.