Әскери техниканы модернизациялау

Уикипедия — ашық энциклопедиясынан алынған мәлімет
Jump to navigation Jump to search
Де Хэвиленд «Файрстрик» - британдық ракета классы «ауа-ауа»

Әскери техниканы модернизациялау (орыс. Модернизация военной техники; фр. moderne — жаңа, қазіргі уақыттағы) — әскери техниканың ескірген үлгілерінің сипаттамаларын едәуір жақсарту және пайдалану тиімділігін арттыру мақсатында конструкциясын, материалы мен әзірлеу технологиясын өзгерту арқылы жаңарту. Әскери техниканы модернизациялау кезінде оның жекелеген бөліктері: тораптары, аспаптары, құрылғылары, жүйелері және т.б. өзгертіледі. Әскери техниканың ірі және күрделі үлгілерінің (түрлерінің) осыңдай бөліктері қару-жарақ пен техникалық құралдардың тұтас кешендері болуы мүмкін (мысалы, сүңгуір қайықтағы стратегиялық ракеталық қару кешені). Қандай жағдайда болмасын, әскери техниканы модернизациялау нәтижесінде үлгінің құрылысы мен даярлау технологиясы көп өзгертілмеуі. Оны пайдалану едәуір қиындататылмауы және қызмет көрсетілетін жеке құрамның саны көбейтілмеуі тиіс. Әскери техниканы модернизациялау кезінде көбінесе күшін, беріктігін, пайдалану мерзімін, әлсіз буындардың төзімділігін, конструкциялардың мықтылығын арттырады, пайдаланудағы зиянды және әйгілегіш сипаттамаларды азайтады, басқаруды автоматтандыратын, пайдалану қауіпсіздігін, зақымдардан қорғауды жеңілдететін жаңа жүйелер мен құрылғылар қосылады. Әскери техниканы модернизациялау, әдетте, ескірген әскери техниканы қазіргі заман талаптарының денгейіне жеткізу қажеттілігінен туындайды.[1]


Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл