Әскери қимылдар

Уикипедия — ашық энциклопедиясынан алынған мәлімет
Jump to navigation Jump to search

Әскери қимылдар ауданы[өңдеу]

Әскери қимылдар ауданы (Район военных действий) — әр жақтың әскерлерінің (күштерінің) белгіленген бір топтастықтары әскери қимылдар жүргізетін әуе кеңістігімен қоса алынған әскери іс-қимылдар театры аймағынын (акваториясының) бөлігі.

Әскери қимылдар театры[өңдеу]

Әскери қимылдар театры (Театр военных действий) — Қарулы Күштердің (құрлықтағы әскер, авиация, әскери-теңіз флоты т.б.) стратегиялық тобы орналасқан және стратегиялық масштабта соғыс қимылдары жасалуы мүмкін құрлықтың аумақты бөлігі мен онымен шектесетін теңіз немесе мұхит (жақын аралдарды қоса алғанда), сондай-ак әуе кеңістігі. Әскери қимылдар театрының шекарасы мен құрамын сол мемлекеттің (одақтас мемлекеттердің) әскери-саяси басшылығы белгілейді. Мысалы, АҚШ пен НАТО елдері Батыс Еуропаны 3 әскери қимылдар театрына (Солтүстік Еуропалық, Орталық Еуропа, Оңтүстік Еуропалық) бөледі. Тарихи жағдайларға байланысты 4 мұхит (Атлант, Тынық, Үнді, Солтүстік Мұзды мұхит) жеке-жеке әскери қимылдар театрына жатады. Әрбір әскери қимылдар театры белгілі бір әскери-саяси, әскери-экономикалық, физикалық-географиялық, және этнографиялық жағдайларға байланысты құрылады және әскери дайындықтар мен соғыс қимылдарын жүргізу үшін инженерлік құралдармен жабдықталады.

Әскери қимылдар театрының сыйымдылығы[өңдеу]

Әскери қимылдар театрының сыйымдылығы (Емкость театра военных действий) — әскер (күш) топтастығының жайылуы мен орналасуына, ал соғыс кезінде ұрыс қимылдарын жүргізуге болатындай әскери қимылдар театрының сыйымдылығы. Әскери қимылдар театрының сыйымдылығы оның мөлшері (ені, терендігі), географиялық жағдайы, жергілікті жер шарттары, әскери қимылдар жасау үшін ыңғайлылығы, қатынас жолдарының дамуы мен жағдайы арқылы анықталады.

Әскери қимылдардың тәсілдері[өңдеу]

Әскери қимылдардың тәсілдері (Способы военных действий) — жағдай шарттары мен қолданылатын қару түрлеріне байланысты операциядағы (ұрыстағы) міндеттерді орындау үшін әскерлер (күштер) мен құралдарды қолданудың амалы мен әдісі. Әскери қимылдардың әр түріне тән өз қимыл тәсілдері болады. Оларды операция жасауға шешім қабылдау кезінде қолбасшы анықтайды.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл