Әскерлерді басқарудың радиоэлектронды жүйесі

Әскерлерді басқарудың радиоэлектронды жүйесі(Радиоэлектронная система управления войсками) — әскерлерді (флот күштерін) басқару процесін автоматтандыруға арналған бақылау, тану, барлау және байланыс жасайтын радиоэлектронды құралдардан, сондай-ақ электронды-есептеуіш машиналар мен көрнекі бейнелеудің арнайы индикаторларынан тұратын кешен (АҚШ-та жасалған). Радиорелелік байланыстың негізгі құрамдас элементтері өздерінің және қарсыластардың әскері мен ұрыс құралдарының жағдайы, ұрыс операциясының барысы мен ұрыс міндеттері туралы түскен ақпараттарды жинап, автоматты түрде өңдей алатын электронды цифрлы машиналар болып саналады. Әскерлерді басқарудың радиоэлектронды жүйесі ұрыс әрекеттеріне жедел түрде басшылық жасау мүмкіндігін арттырып, шешім қабылдауды және қабылданған шешімдерді қарамағындағы құрамалар мен бөлімдерге жеткізуді жеңілдетеді. Әскерлерді басқарудың радиоэлектронды жүйесінде электронды цифрлы машиналар әскерді жабдықтау ісін жоспарлау мен есепке алу және күнделікті әрекеттерге байланысты басқа да есептеулер жүргізуде қолданылады.