Әскерлерді медициналық қамтамасыз ету

Уикипедия — ашық энциклопедиясынан алынған мәлімет
Навигацияға өту Іздеуге өту

Әскерлерді медициналық қамтамасыз ету (Медицинское обеспечение войск) — әскердің жеке құрамының денсаулығын нығайту, ұрысқа қабілеттілігін сақтау, жаралыларды, ауруларды емдеу, медициналық көмек көрсету, тезірек сауықтырып, қатарға қосу мақсатымен әскери-медициналық қызмет көрсетушілер жүргізетін шаралар жүйесі. Әскерлерді медициналық қамтамасыз етудің негізгі міндеттері емдеу-эвакуация, санитариялық-гигиеналық және індетке қарсы шараларды, сондай-ақ әскерді жаппай қырып-жою қаруынан қорғайтын медициналық қызметті ұйымдастыру мен жүргізу болып саналады. Ұрыс алаңында жаралыларға алғашқы көмекті әскери тәртіп бойынша санитарлар, сондай-ақ өзіне өзі немесе бір-біріне көмек көрсету жолымен жүргізеді. Батальондардағы медициналық пункттерде дәрігерге дейінгі, полкта дәрігерлік, дивизияда кәсіби дәрігерлік медициналық көмек көрсетіледі.[1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл