Әскерлерді (күштерді) қайта топтау

Әскерлерді (күштерді) қайта топтау (Перегруппировка войск) —топтарды қайта құру, күшейту мақсатында құрлық әскерлері, авиация, флот күштерінің бірлестіктерін (құрамаларын, бөлімдерін) бір ауданнан екінші ауданға көшіру жолымен әскери қимыл театрында, стратегиялық, операциялық бағытта, қорғаныс (шабуыл) өңірінде әскерлердің (күштердің) орналасуын өзгерту. Әскерлерді (күштерді) қайта топтау мақсаты мен аукымы бойынша стратегиялык, оперативтік немесе тактикалық болуы мүмкін және өздігінен жылжуымен (жорықпен), әp түрлі көлік түрлерімен тасымалдау арқылы, аралас тәсілдермен жылжу арқылы жүзеге асырылады. Әскерлерді (күштерді) қайта топтау кейде маневр деп те аталады. Әскерлерді (күштерді) қайта топтау әскерлерді (күштерді) мандайшепті бойлай жылжыту (алмастыру), әскерлерді (күштерді) тереңдіктен маңдайшепке шығару жолымен, сонымен қатар, осы тәсілдердің үйлестірілуі арқылы жүзеге асырылуы мүмкін. Стратегиялық аукымдағы Әскерлерді (күштерді) қайта топтау әдетте, бір стратегиялық бағыттан басқа бағытқа жүргізіледі. Стратегиялык Әскерлерді (күштерді) қайта топтау жоғары әскери басшылықтың басқаруымен қарулы күштер көлемінде өтеді. Әскерлерді (күштерді) қайта топтаудың табысты өтуі оның мұқият ұйымдастырылуына, барлық көлік түрлерімен қамтамасыз етілуіне, әскердің жылдам және жасырын жылжуына, олардың әуеден сенімді қорғалуына, ұқыпты бүркенілуіне, әскерлердің (күштердің) мүлтіксіз және үздіксіз басқарылуына тікелей байланысты.