Әскерлерді (күштерді) ұйымдастыру

Әскерлерді (күштерді) ұйымдастыру (Организация войск (сил)) — әскери ең тиімді құрамды, қару-жарақ түрлерін және әскер түрлерінің орынды үйлестірілуін, жоғары жауынгерлік дайындық пен ұрыс қимылдарын табысты жүргізуді қамтамасыз ететін әскери құрылым. Ол қарулы күштердің барлық буындарын — бөлімшелер, әскери бөлімдер, құрамалар мен бірлестіктерді, сонымен қатар әскер (күш) түрлерінің құрылымдарын, арнайы әскерлер мен әр түрлі қызметтерді қамтиды. Көптеген мемлекеттердің қарулы күштерін көру тәжірибесінде Әскерлерді (күштерді) ұйымдастырудың төмендегідей негізгі түрлері қолданылады: құрлықтағы әскерлерде — бөлімше, взвод, рота, батарея, батальон, дивизион, полк, бригада, дивизия, корпус, армия; Әскери-әуе күштерінде — авиациялық буын, эскадрилья, полк, қанат, дивизия, корпус, эскадра, әуе флоты, әуе армиясы; Әскери-теңіз флотында (ӘТФ), Әскери теңіз күштерінде (ӘТК) кеме, кемелер дивизионы, кемелер бригадасы,кемелер дивизиясы, эскадра, флотилия, флот.