Әшім Ғаниұлы Тасқалиев
1977 жылы 25 қарашада Батыс Қазақстан облысы, Қаратөбе ауданы, Қоскөл ауылында дүниеге келген. 1998 жылы Ақтөбе қаласындағы гуманитарлық колледжді, 2003 жылы М.Өтемісов атындағы БҚМУ-ды «Бейнелеу өнері, сызу және еңбек» мамандықтары бойынша бітірді. Сол жылдан Орал қаласындағы Күрманғазы атындағы саз колледжінде істейді, қазір «Сәндік қолданбалы өнер және дизайн» бөлімінің меңгерушісі. Ә.Ғ. Тасқалиев-бейнелеу өнері әлемінің шығармашылық бағытына жаңа қадам басып, сәтті туындыларымен көріне бастаған кескіндемешінің бірі. Шығармалары бояу, кеңістік, ырғақтың ойнауы арқылы санаға тікелей әсер етеді. Суретші туындыларынан уақыт тұтастығы қамтылған өткен мен бүгінгі күн, болашақтың фантастикалық - символикалық әрекетінің нышаны көрінеді. Абстракциялық туындыларынан пішіннің жігерлі жарқын көрінісі мен ой-жүйенің бір-бірін алмастыруын байқаймыз. Жас суретші түс пен композициялық байланыстың маңызын талдап, қарапайым пошымдар арқылы өз ойын жеткізе білу бағытында ізденіп, жұмыстануда.
Әдебиет[өңдеу | қайнарын өңдеу]
Жазира Жайық. Батыс Қазақстан сүретшілері.-Орал,2010. - 160б.