Әшірбек Сейілханұлы Көпіш

Әшірбек аға 17/V/2013 "Ғылым ордасы" РМК-ң халықаралық музейлер күнін атап өтуіне орай құттықтау сөзін сөйлеуде

Көпіш Әшірбек Сейілханұлы (1947 жылы туған, Қордай ауданы Керу ауылы) – жазушы, қаламгер, қайраткер. Қазіргі әл-Фараби атындағы ҚазҰУ-ді бітірген (1970). Осы жылы республика «Қазақстан пионері» (қазіргі «Ұлан») газетінде еңбек жолын бастады. 1970 – 1977 жылы «Лениншіл жас» (‘’«Жас Алаш»’’) газетінде кіші әдеби қызметкер, аға әдеби қызметкер, бөлім меңгерушісі; 1978 – 1987 жылы «Пионер» («Ақ желкен») журналының жауапты хатшысы; 1987 – 1994 жылы Қазақстанда жаңадан ашылған «Арай» – «Заря» журналдарының бас редакторы; 1994 – 1995 жылы Қазақстан теледидарының Бас директоры, 1995 – 1996 жылы «Қазақстан радиосы және теледидары» республика корпорациясының президенті болды. 1996 жылдан республика «Өнер» баспасының директоры. 1985 жылы «Дөңгеле, Күн, дөңгеле», «Таудан түскен тұман» хикаяттары жеке кітап болып шықты. «Дөңгеле, Күн, дөңгеле» повесі өзінің туған ауылы – Керу, оның тамылжыған табиғаты мен ауыл адамдарының өміріне арналған.