Өжкен Тыныбаева

Уикипедия — ашық энциклопедиясынан алынған мәлімет
Jump to navigation Jump to search

Өжкен Кәрібжанқызы Тыныбаева (13 қазан 1930 жыл, Семей облысы, Ақсуат ауданы - ? ) — филолог, М.Әуезов шығармашылығын зерттеуші, М. Әуезов атындағы Семей университетінің құрметті профессоры (2007 ж.), филологиядан көптеген еңбектердің авторы.

1947 жылы Семей облысы, Ақсуат ауданындағы орта мектепті "Алтын медальмен" бітіріп, осы жылы С.М. Киров атындағы Қазақтың мемлекеттік университетінің фиология факультетіне түсіп 1952 жылы бітірген. Университтетте қазақ әдебиетінен М. Әуезовтің, Е. Ысмайловтың, Б. Кенжебаевтың, Т. Нұртазиннің дәрістерін тындады. Қазақ тілінен С. Кеңесбаев, Н. Сауранбаев, М. Балақаев, Х. Мамановтардан тиянақты да жан-жақты білім алды. Факультеттегі әдебиет үйірмесінің мәжілісін М. Әуезов өзі өткізіп, баға беріп, бағыт сілтеп отыратын еді. Ө. Тыныбаева осындай ортадан тәлім алып 1952 жылы желтоқсан айынан Н.К. Крупская атындағы Семейдің педагогикалық институтының филология факультетінде оқытушы болып еңбек жолын бастады.

1974 жылы «М. Әуезовтың "Абай жолы" эпопеясындағы әйелдер образы» деген тақырыпта кандидаттық диссертация қорғайды. Қоғамдық, тәрбие жұмыстарына белсене араласты. Бұл институтта 26 жыл еңбек етіп, 1978 жылы 13 желтоқсанынан Абай атындағы Қазақ мемлекеттік педагогикалық институтының қазақ әдебиеті кафедрасында аға оқытушы, доцент (1985) болып 2000 жылға дейін ұстаздық етті. Әр студенттің өз орнын тауып қазақ тілі мен әдебиеттің жанашары ғана емес, толық мәніндегі маманы болып шығуына ерекше назар аударды.

Ғылыми зерттеушілік саласы Ежелгі дәуір әдебиеті, балалар әдебиеті, түркі тілдес халықтар әдебиеті) ауқымында 50-ден астам ғылыми-әдістемелік мақалдар жазды. Жалпы білім беретін мектептің 5-11 сыныптарына арналған көмекші құрал ретінде "Түркі тілдес халықтар әдебиетінің кейбір үлгілері" атты хрестоматиясы (20 бет) "Білім" баспанасынан 2007-2008 жылдары қайта басылып шықты. Көп жылдық ұстаздық қызметі педагог кадрларды дайындауға, филология ғылымдарын дамытуға қосқан үлесі үшін Білім және ғылым министрлігінің (2005 ж.). М.Әуезов атындағы Семей университетінің құрметті профессоры (2007 ж.).