Өмірзақ Амантайұлы Амантаев

Амантаев Өмірзақ Амантайұлы
Дүниеге келгені:	27.12.1951 Қарағанды облысы Коунрад ауданы Сарытерек ауылы
Мансабы:	Қарағанды облыстық Мұрағаттар және құжаттама басқармасының бастығы

Амантаев Өмірзақ Амантайұлы - 1951 жылы 27 желтоқсанда Қарағанды облысы Коунрад ауданының Сарытерек ауылында туған. Қазақ.

Әкесі - Жүнісов Амантай, ҰОС ардагері, марқұм. Анасы - Ысқақова Марфу (1924 ж. т.), зейнеткер.

Алматы педагогикалық шет тілдер институтының неміс тілі факультетін бітірген (1973), неміс тілінің мұғалімі.

Қарағанды облысының тарихы бойынша көптеген басылымдардың, ғылыми-практикалық конференциялар материалдарының тең авторы-құрастырушысы, жауапты редакторы, атап айтқанда «Қарағанды облысының әкімшілік-аумақтық қүрылымының тарихы бойынша анықтама (1936 жылдың 29 шілдесі - 2006 жылдың 1 қаңтары)» (2006); «Орталық Қазақстан 1941-1945 жж. Ұлы Отан соғысы жылдарында. Оқиғалар жылнамасы» (2005); «Қуғындалған халықтардың тарихынан (Қарағанды облысының мұрағат мекемелерінің материалдары бойынша)» (2007). «Қазақстандағы саяси қуғын-сүргін тарихынан» (2002), «Мұрағаттар қүжаттарындағы Қазақстандағы саяси қуғын-сүргіндертарихы» (2004), «Қарағанды облысының мекемелері мен ұйымдарында электронды құжат айналымын ендіру мәселесі» (2008) мақалаларының авторы.

Қазақ, орыс және неміс тілдерін біледі.

1969 жылдан - Алматы шет тілдер институтының студенті. 1973 жылдан - Жезқазған облысы Ақтоғай ауданының №3 ОМ неміс тілінің мұғалімі. 1974 жылдан - Жезқазған облысы Ақтоғай ауылының №1 ОМ неміс тілінің мұғалімі. 1975 жылдан - Қарағанды қалалық №96 ЖМ неміс тілінің мұғалімі. 1977 жылдан - Қарағанды облыстық халыққа білім беру бөлімінің инспекторы. 1985 жылдан - Қарағанды облысы Совет аудандық атқару комитеті халыққа білім беру бөлімінің меңгерушісі, 1991 жылдан - атқару комитеті төрағасының орынбасары. 1992 жылдан - Қарағанды қаласы Совет аудандық әкімшілігі басшысының орынбасары. 1993 жылдан - Қарағанды облыстық Тілдер жөніндегі басқармасының бастығы, Қарағанды облыстық әкімшілігі Тілдер жөніндегі комитетінің төрағасы. 1996 жылдан - «Апрель» АТАҚ бірінші вице-президенті (Қарағанды). 1997 жылдан - Қарағанды облыстық мұрағаттар мен құжаттамалар бөлімі меңгерушісінің орынбасары. 1999 жылдан - Қарағанды облыстық әкімдігі «Мұрағаттар мен құжаттамалар басқармасы» MM бастығы. 2000 жылдан - Қарағанды облыстық мұрағаттар мен құжаттамалар бөлімі меңгерушісінің орынбасары, 2001 жылдан - бөлім меңгерушісі.

2008 - 2013 жылдары - Қарағанды облыстық Мұрағаттар және құжаттама басқармасының бастығы. 2014 жылдан бері Қарағанды облыстық тілдерді дамыту жөніндегі басқармасының басшысы. «Қазақстан Республикасының тәуелсіздігіне 10 жыл» (2001), «Қазақстан Конституциясына Южыл» (2005), «Астананың 10 жылдығы» (2008) медальдарымен; ҚР мәдениет және ақпарат министрінің құрмет грамотасымен марапатталған. ҚазКСР халыққа білім беру саласының үздігі (1983). КСРО Ағарту саласының үздігі (1990). Қазақстанның болашағы туралы болжамы - «Әрі қарайғы өркендеу».

Хоббиі - шахмат ойыны, аңшылық.

Үйленген. Жұбайы - Амантаева Әмина Әбутәліпқызы (1951 ж.т.), уақытша жұмыс істемейді. Ұлдары - Амантаев Айдос (1976 ж.т.), Амантаев Айдар (1980 ж.т.).