Өнеркәсіп ағындылары

Уикипедия — ашық энциклопедиясынан алынған мәлімет
Jump to navigation Jump to search

Өнеркәсіп ағындылары халық шаруашылығының мұнай өндеу, химия, сабын қайнату, целлюлоза-қағаз, тоқыма, металлургия, кен салалары кәсіпорындарының табиғи су көздерін ластайтын ағындылары.

Өнеркөсіп ағындыларының барлығы дерлік әр түрлі дәрежеде судың сапасына кері әсер ететін мұнай шикізаттарымен ластанған. Тіпті, судың құрамында мұнайдың елеусіз мөлшерінің (0,2—0,4 мг/л) болуы суға арнайы иіс береді, ол иіс суды сорғыдан өткізіп, хлорлаған соң да кетпейді. Химия кәсіпорындарының ағындыларында, әсіресе орман-химиялық, анилин-бояу, коксхимия және басқа да салалардың ағындыларында кездесетін фенолдық қосындылар үлкен қауіп төндіреді.

Фенолдық сулардың өте күшті антисептикалық қасиеттері болатындықтан, судағы биологиялық процестерді бұзады, жағымсыз иіс береді. Электрхимия өндірісінің, кен байыту фабрикаларының, пестицид шығаратын кәсіпорындардың және шахталар мен кен орындарының су ағындыларында едәуір мөлшерде мырыш (Zn) пен мыс (Cu) кездеседі. Соңғы кездерде кейбір өнеркәсіп су ағындыларында пайда болған синтетикалық беттік-белсенді заттар судың биохимиялық тазалағыш қабілетін бірден нашарлатады. Сондықтан тіпті олардың елеусіз мөлшерінде де судағы өсімдіктердің тіршілігі тыйылады, иісі мен дәмі күшейеді, көбіктердің берік жиынтықтары пайда болады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.