Өрнекті жылан

Уикипедия — ашық энциклопедиясынан алынған мәлімет
Jump to navigation Jump to search
Өрнекті жылан
Elaphe dione by Omid Mozaffari 2.jpg
Ғылыми топтастыруы
Дүниесі: Жануарлар
Жамағаты: Хордалылар
Табы: Бауырымен жорғалаушылар
Сабы: Қабыршақтылар
Кіші сабы: Жыландар
Тұқымдасы: Сарыбас жыландартәрізділер‎‎‎
Тегі: Elaphe
Түрі: E. dione
Екі-есімді атауы
Elaphe dione
Pallas 1773

Өрнекті жылан (лат. Elaphe dione) – бауырымен жорғалаушылардың қабыршықтылар отрядының сарыбас жыландартәрізділер тұқымдасының бір түрі. Дене тұрқының ұзындығы 1100 мм, басқа жыландармен салыстырғанда құйрығы қысқы келеді. Түсі әртүрлі реңді болады, негізінен, сұр, қоңырқай немесе құба түстес, арқа тұсында көптеген көлденең түскен сызықшалар мен дақтары бар. Бұл жыланның түріне атау өзінің басындағы күрделі өрнегіне қатысты қойылған. Шығыс Қазақстанда өрнекті жылан барлық аймақта кездеседі. Экологиялық тұрғыдан ерекше бейімделгіш жылан. Өрнекті сұржылан далалы жерлерде, сирек орманда, өзен аңғарларында, қылқан жапырақты және аралас ормандарда кездеседі. Адамға жақын бау-бақшада, жүзімдікте де кездеседі. Өрнекті сұржылан – аса жылдам қозғалатын жылан. Мекен ететін жерлері - аңдардың індері, тастардың астындағы қуыстар, ағаштың дінідегі қуыстар, су жағасындағы қоға мен қамыстар. Күндізгі уақытта тіршілік қамын жасайды. Ұсақ жәндіктермен, құстардың жұмыртқасымен, жыландармен, кесірткелермен, қосмекенділермен және балықтармен қоректенеді. Қауіп келген жағдайда құйрығын дірілдетіп айбат шегеді, субстрат күйге түседі, өзіне тән ағаш сынғандай дыбыс шығарады.[1]

Дереккөздер[өңдеу | қайнарын өңдеу]

  1. "Күншығыс" энциклопедиясынан.