Өскемен қаласындағы Достық үйі

Өскемен қаласындағы Достық үйі 1992 жылы 6 қарашада ұлтаралық келісім мен тұрақтылықты нығайту, ана тілін, салт-дәстүрді, халықтар мәдениетін жаңғырту, Қазақстан жастарын патриоттық сезімге тәрбиелеу мақсатында құрылды.

Достық үйінің қанатының астына алғашқылардың бірі болып «Видергебурдт» неміс мәдени орталығы, Шығыс Қазақстан корейлер ассоциациясы, «Вайнах» шешен мәдени орталығы, славян мәдениет қоғамы, «Қазақ тілі» облыстық және қалалық қоғамы, қытай және ұйғыр орталықтары кірді. Кейінірек армян, орыс, татар, украин, белорус, әзірбайжан, поляк, еврей ұлттық-мәдени орталықтары ашылды. Қазіргі Достық үйін Қазақстан Республикасының алғашқы Президенті, Қазақстан халқы Ассамблеясының төрағасы Н.Н. Назарбаев ашқан. Ол Республика бойынша бірінші болып құрылды. ШҚО халқының кіші ассамблеясының жұмыс тәжірибесін Қазақстан Республикасы Президентінің әкімшілігі зерттеп, Қазақстан облыстарының барлық әкімдеріне қолдануды ұсынды. Қазіргі таңда Достық үйінде 20 этномәдени бірлестіктер жұмыс істеуде, Достық үйі жанынан ШҚ халқы ассамблеясының жастар қанаты мен ғылыми- сараптамалық Кеңесі құрылды. Әр түрлі халықтың салт-дәстүрін, әдет-ғұрпын және тарихи мәдениетін дамыту үшін алдыңғы қатарлы ғалымдар Достық үйінде дәріс жүргізеді.

«Мәдени мұра» бағдарламасы

«Мәдени мұра» бағдарламасы шеңберінде: орыс ән отауы (жетекшісі Л.П. Попова), «Елімнің әуендері» қазақ ән отауы (жетекшісі А.Н. Жұмақанова) музыкалық мәдениетті насихаттайды 2007 жылдың маусым айында «Халық ұжымы» атағын төмендегі ансамбльдер дәлелдеді: «Русская песня» (орыс мәдени орталығы), «Кохання» (украин мәдени орталығы), «Майглёкхен» (неміс мәдени орталығы), «Ладушки» (славян мәдени қоғамы), «Үлгілі» атағын - «Улыбка» балалар би ансамблі иеленді.

Халық ұжымы

«Халық ұжымы» атағына алғаш рет «Зоар» (еврей мәдени орталығы) мен «Вдохновение» ансамбльдері (орыс мәдени орталығы) лайық деп танылды. Сонымен қатар Достық үйінің іс-шараларына мына ұжымдар белсенді ат салысуда: «Бастеньки» фольклорлық ансамблі (славян мәдениет қоғамы), Достық үйінің «Жігер» домбырашылар ансамблі және «Мечта» жастар вокалды студиясы, «Сарман» вокалды ансамблі (татар мәдени орталығы), би ансамбльдері «Ичкерия» (шешен мәдени орталығы), «Хэдоди» (корей мәдени орталығы).

Шығыс Қазақстан халықтарының тілдері мен мәдениетін жаңғырту мектебі

ШҚ ассамблеяның бастамасы бойынша 2001 жылдың қаңтарында Өскемен қаласындағы Достық үйінің негізінде «Шығыс Қазақстан халықтарының тілдері мен мәдениетін жаңғырту мектебі» ММ құрылып, мемлекеттік мәртебесін алды. Мектебтің негізгі жұмыс бағыты – облысымызда тұратын халықтардың ұлттық мәдени салт-дәстүрі мен тілдерін үйрету мен жаңғырту, сонымен қатар, басқа да әлемдік тілдерді үйрету, қазіргі заман талабына қажетті интеграциялану барысында білім беру болып табылады. 2008-2009 оқу жылында «Жаңғырту» мектебінде 14 тілді оқыту ұйымдастырылған: қазақ, орыс (тереңдетіліп оқыту), украин, белорус, татар, еврей, поляк, шешен, корей, армян, әзірбайжан, неміс, қытай, ағылшын. Жалпы оқу сыныптарының саны 48, ал оқушылардың саны 820 адамды құрайды.

Этномәдени бірлестіктер

1. «Шығыс Қазақстан орыс мәдени орталығы» қоғамдық этномәдени бірлестігі»
2. ШҚ татар этномәдени бірлестігі
3. «ШҚО корейлер ассоциациясы» ҚБ
4. ШҚ әзірбайжан этномәдени бірлестігі
5. ШҚ украин этномәдени бірлестігі
6. ШҚО еврей этномәдени бірлестігі
7. ШҚО белорус этномәдени бірлестігі
8. Шығыс Қазақстан облыстық поляк этномәдени бірлестігі
9. ШҚ «Видергебурт» неміс этномәдени бірлестігі
10. Шығыс Қазақстан «Арарат» армян этномәдени бірлестігі
11. ШҚ ұйғыр этномәдени бірлестігі
12. «Славян мәдениетінің Шығыс Қазақстан облыстық қоғамы»
13. «Вайнах» шешен-ингуш этномәдени бірлестігі
14. «Жоғарғы-Ертіс орыс казак» ҚБ
15. «ЛАД» республикалық славян қозғалысы» қоғамдық бірлестігі
16. «Ермак Тимофеевич атындағы Казак жерлістігі» қоғамдық бірлестігі
17. Облыстық «Қазақ тілі қоғамы » ҚБ
18. «Ынтымақ-Содружество» жастар ұйымы
19. «Қалалық Қазақ тілі қоғамы» ҚБ
20. «Шығыс Қазақстан мұсылман әйелдері» ҚБ
21. «Шығыс Қазақстан орыс мәдени орталығы» қоғамдық бірлестігінің