Өсімақы

Өсімақы – төлемдер мен жарналар төлеу мерзімін бұзғаны үшін заң жүзінде белгіленген қаржы шарасы. Міндеттемелерді орындау мерзімі кешіктірілген жағдайда ақшалай айыппұл түрінде қолданылады. Оның мөлшері әдетте уақыты өтіп кеткен төлем сомасының пайызы есебімен айқындалады. Қазақстан Республикасында салықтарды төлеу мерзімі кешіктірілген жағдайда Өсімақы Ұлттық банк төлеу күні белгілеген қайта қаржыландыру мөлшерлемесінің кешіктірілген әр күн үшін 1‚5 еселенген мөлшерінде өндіріп алынады. Айталық‚ төлеу күні белгіленген қайта қаржыландыру мөлшерлемесі жылдық мөлшерлеменің 40%-ы болады‚ бересі сомасы 100‚0 мың теңге‚ кешіктірілген күн саны – 25‚ есеп айырысу былайша жүргізіледі: Өсімақы мөлшерлемесі = =401‚5:365 = күніне 0‚16 теңге; Өсімақы сомасы = (100000 0‚1625):100=4000‚0 теңге. Өсімақы мынадай тәртіппен төленеді: бюджетке және бюджеттен тыс қорларға төленген Өсімақы мен айыппұлдардың сомасы жылдық жиынтық табыстан шегерілуге тиіс емес.