Өт айдайтын дәрілер

Өт айдайтын дәрілер — өт түзілуін және оның ұлтабарға құйылуын үдететін дәрі-дәмектер.

Өт айдайтын дәрілер екі негізгі топқа бөлінеді:

• холеретиктер, немесе холеретикалық дәрі-дәрмектер — өттегі өт қышқылдарының концентрациясын үлкейтеді,
• холекинетиктер, немесе холекинетикалық дәрі-дәрмектер — өттің ішекке шығуына себептеседі.

Кейбір дәрі-дәрмектердің холеретикалық та холекинетикалық та қасиеттері болады.

Бұл дәрілер өсімдіктен және синтез жолымен алынады. Өт түзілуіне өт айдайтын дәрілер тікелей зат алмасуы процесі арқылы әсер етеді. Бауырда өт түзілуін күшейтетін дәрілерге өт қышқылы тұздарын алынатын хологон, дехолин құрамында өт бар аллохол сілтілі сулар және кейбір өсімдіктерден (шай-шөп, итмұрын) алынатын дәрілер жатады. Өт айдайтын дәрілерді дәрігердің рұқсатымен созылмалы бауыр ауруларына, өтте тас байланғанда, сондай-ақ антисептикалық заттар есебінде қолданылады.